امریکا تشقی ایشلر وزیری بلینکن نیجر جمهور باشلیغی بزعم بیلن سوزلشدی

امریکا قوشمه ایالتلری تشقی ایشلر وزیری انتونی بلینکن نیجر جمهور باشلیغی محمد بزعم بیلن تیلفون سوزلشووی اوتکزدی.

امریکا قوشمه ایالتلری تشقی ایشلر وزیرلیگی تامانیدن بیریلگن بیاناتده بلینکن بیلن بزعم نینگ تیلفون سوزلشووی اوتکزگن لیگی بیلدیریلدی.

بلینکن بزعم و نیجر دموکراسیسی گه قره ته کوچلی کمکلرینی ییتکیزرایکن امریکا قوشمه ایالتلری نینگ اساسی قانون توزومینی بوزیش اوچون قول اوریلگن حرکتلرنی رد ایتگن لیگینی افاده ایتگن.

امریکا قوشمه ایالتلری نینگ حقوق نینگ اوستونلیگینی قوللب – قوتله گن لیگینی تاکیدله گن بلینکن نیجر خلقی نینگ، غربی افریقا اولکه لری اقتصادی همجمعیتی نینگ (ECOWAS)، افریقا بیرلیگی نینگ و خلق ارا اورتاقلری نینگ یانیده ایکن لیگینی ایتگن.

نیجرده جمهور باشلیغی محمد بزعم 26 جولایده جمهور رئیسلیک محافط قومندانلیگی عنصرلری تامانیدن قولگه آلر ایکن اوکونی کیچه حربیلر اقتدارنی قولگه آلگن لیگینی اعلان قیلگندی.

جمهور رئیسلیک محافظ کوچلری قومندانی جنرال عبدالرحمان عمر تشنی 28 جولایده "وطن نی قوریقلاوچی ملی کینگش" (CNSP) آتیده گی حربی تونترووچی نینگ ییتکچیلیگینی بوینی گه آلیب اوتیش دوری حکومت نینگ باشی گه اوتگندی.