دنمارکده ینه قرآن کریم گه حرمتسیزلیک قیلیندی

دنمارکده توناون ینه قرآن کریم گه حرمتسیزلیک قیلیندی. 

پایتخت کوپنهاگنده اسلام گه مخالف و افراطی ملیتچی "دنمارک لیک یورت سیور لر" ناملی بیر گروپ اعضالری تورکیه نینگ کوپنهاگن ایلچی خانه سی آلدیده قرآن کریم نی یاقدی. 

اسلام گه قرشی شعار بیرگن اوشبو گروپ اعضالری خوددی شوو صحنه نی اجتماعی ترماق آرقه لی جانلی اوله راق ترقه تدی. 

یازوچیسی نینگ دنمارک تشقی ایشلر وزیری لارس لوکه راسموسن بولگن لیگی بیلدیریلگن بیر کتاب نی هم یاققن اوشبو کیشی لر کیین عراق, مصر و سعودی عربستان ایلچی خانه لری آلدیده قرآن کریم نی یاقدی. 

قرآن کریم گه قره تیلگن حرمتسیزلیک لر حقیده بحث ایتیش اوچون دوشنبه کونی بولیب اوتگن اسلام همکارلیک تشکیلاتی 18- فوق العاده تشقی ایشلر وزیرلری ییغیلیشی نینگ بولیب اوتیاتگن پیتده هم سویدن و دنمارکده ینه قرآن کریم گه حرمتسیزلیک قیلینگن ایدی. 

دنمارک تشقی ایش لر وزیری لارس لوکه راسموسن, اسلام همکارلیک تشکیلاتی ییغیلیشی قرار لری گه اهمیت بیریاتگن لیک لرینی بیلدیرگن ایدی. 

راسموسن, "اسلام همکارلیک تشکیلاتی و اونینگ اعضاسی اولکه لر بیلن ایکّی تامانلمه حرمت دایره سیده یقین مناسبت لری میز نی دوام ایتدیره میز. دنمارک سونگّی پیتلرده قرآن کریم نی یاقیش فعالیت لرینی قاره له دی و سوز ایرکین لیگی دایره سیده خاص وضعیت لرده مداخله احتمال لرینی قیدیرماقده" دییه قید ایتگن ایدی. 

سویدن و دنمارکده سونگّی پیتده قرآن کریم گه حرمتسیزلیک فعالیت لری آرتیب کیترایکن, اوشبو حرکت لر گه اجازت بیریلیشی گه ایسه عکس العمل کورسه تیلماقده.