بیرلشگن ملتلر تشکیلاتی روسیه نینگ کسلخانه گه قره تیلگن هجومی نی قاره له دی

بیرلشگن ملتلر تشکیلاتی, روسیه نینگ اوکراین ده بیر کسلخانه گه هجوم اویوشتیریب وظیفه گه ینگه باشله گن بیر داکتر نینگ حیاتینی یوقاتیشی گه سبب بولگن لیگینی قاره له دی. 

بیرلشگن ملتلر تشکیلاتی عمومی منشی سی سوزچیسی نینگ اورینباسری فرحان حق, کونده لیک مطبوعات ییغینیده ژورنالیست لرنینگ سئوال لری گه جواب قیتردی. 

حق, بیرلشگن ملتلر تشکیلاتی بشری یاردم کوردیناتوری دینیس براون نینگ, اوکراین نینگ خرسون شهریده گی کسلخانه ده بیر داکتر نینگ حیاتینی یوقاتیشی و 5 نفر ساغلیق نی سقلش پرسونلی نینگ یره له نیشی گه سبب بولگن "روسیه نینگ بمباردمانی نینگ قبول قیلینیشی نینگ ممکن ایمس لیگی نی" بیلدیرگن لیگینی معلوم قیلدی.

حق, براون نینگ اوروش سببلی, "حتی حیاتی جوده یمان تاثیرلنگن کیشی لر گه کیره کلی خدمت نی قیلیش گه حرکت قیلیاتگن لرنینگ هم هدف قیلیب آلینیاتگن لیگی" گه قرشی عکس العملی نی اورتاقله شدی. 

سونگّی هجوم نینگ قربانی بولگن داکتر نینگ, "وظیفه سی نینگ بیرینچی کونیده حیاتینی یوقاتگن لیگینی" معلوم قیلگن فرحان حق, میلادی 2022- ییل فبروری آییده اوروش نینگ باشلب کیتگن کوندن بیری جهان ساغلیق نی سقلش تشکیلاتی نینگ, اوکراین ده ساغلیق نی سقلش پرسونلی گه قره ته 1000 دن آرتیق هجوم اویوشتیریلگن لیگینی تائید ایتگن لیگینی بیلدیردی. 

عینی دمده حق, بیرلشگن ملتلر تشکیلاتی بشری ایشلر کوردیناسیون دفتری نینگ, ملکی لرنی محافظت ایتیش و موثر تیرگاو آلیب باریش اوچون خلق ارا بشری حقوق دایره سیده, "انیق بیلدیریلگن مسئولیت لر گه حرمت کورسه تیلیشی و ادعا ایتیلگن جدی اخلال لرنینگ تیکشیریلیشی" بوییچه چقیریق بیرگن لیگینی معلوم قیلدی. 

اوکراین جمهوررئیسی ولادیمیر زلنسکی, توناون بیرگن بیاناتیده, روس اردوسی نینگ کریوی ریگ و خرسون شهرلریده آپارتمان لر و بیر عالی بیلیم یورتی بناسی نی اورگن لیگی و بعضی کیشی لرنینگ اولگن لیگی و یره لنگن لیگی نی بیلدیرگن ایدی.