نیجرده بعضی بیر وزیرلرنینگ قولگه آلینگن لیگی بیلدیریلدی

نیجرده 26 جولایده تونتروو نتیجه سیده باشقروونی قولگه کیریتگن حربی باشقروو جمهور باشلیغی محمد بزعم حکومتیده گی بعضی بیر وزیرلر و ییتکچیلرنی نظارت گه آلدی.

جمهور باشلیغی بزعم نینگ حزبی PNDS-Tarayya تامانیدن بیریلگن یازمه بیاناتده تونترووچیلرنینگ یریم کیچه حزب نینگ بعضی بیر ییتکچیلری بیلن بیر قطارده بعضی بیر وزیرلرنی قولگه آلگن لیگی بیلدیریلدی.

بیاناتده ایچکی ایشلر وزیری، کانچیلیک وزیری و ترانسپورت وزیری نینگ قولگه آلینگن لیگی افاده ایتیلدی.

حربی باشقروو بیلن بزعم اورته سیده واسطه چیلیک قیلگن سابق جمهور باشلیغی محمدو یوسفونینگ اوغلی نفت وزیری ثانی یوسفو محمدونینگ نظارتگه آلینگن وزیرلر قطاریده ایکن لیگی معلوم قیلیندی.

انچه وزیردن خبر یوقلیگی قید ایتیلگن بیاناتده اوشبو نظارت گه آلیش حرکتلری بیلن دموکراسی طرفدارلری نینگ کوزی نینگ اوتینی الیش گه اورونیلگن لیگی افاده ایتیلدی.

نیجرده گی تونتروو

نیجرده جمهور باشلیغی بزعم 26 جولای کونی جمهور رئیسلیک محافظ کوچلری تامانیدن قولگه آلینر ایکن او کونی کیچه حربی باشقروونینگ اقتدارنی قولگه آلگن لیگی بیلدیریلگندی.

جمهور رئیسلیک محافظ قومندانی جنرال عبدالرحمان عمر تشینی 28 جولایده وطن نی قوریقلش ملی کینگشی  (CNSP) آتیده گی حربی باشقروونینگ ییتکچیلیگینی بوینی گه آلگن لیگینی و اوتیش دوری حکومتی نینگ باشچیلیگینی آلیب باریشیدن خبر بیرگندی.

بزهم 26 جولای تاریخیدن بیری شخصی اوییده حبس قیلینگن وضعیتده.