سعودی عربستانده اوروش اوچاغی قولب توشدی

سعودی عربستانده, تعلیمی شکلده اوچه یاتگن بیر اوروش اوچاغی نینگ قولب توشیشی عاقبتیده ایکّی نفر اوچووچی حیاتینی یوقاتدی. 

سعودی عربستان رسمی خبر آژانسی اس پی ای, مدافعه وزیرلیگی سوزچیسی تُرکی المالکی نینگ موضوع بیلن علاقه لی بیاناتی نی ترقه تدی. 

هوا کوچلری گه عاید اف- 15 اوروش اوچاغی نینگ سعودی عربستان نینگ جنوبغربیده گی خمیس مشیط شهریده جایلشگن قرال خالد هوا قونلغه سیده تعلیم ساحه سیده قولب توشگن لیگینی بیلدیرگن المالکی, حادثه عاقبتیده اوچاق نینگ ایچیده بولگن ایکّی اوچووچی نینگ حیاتینی یوقاتگن لیگینی معلوم قیلدی. 

عینی دمده المالکی, اوشبو حادثه نینگ سببی نینگ تیکشیریلیشی اوچون بیر هیئت نینگ تعین ایتیلگن لیگینی بیلدیردی.