انگلستانده قاچاق مهاجرلر بیر کیمه گه جایلشتیریله دی

انگلستانده, قاچاق مهاجر لر نینگ قاله دیگن " Bibby Stockholm" ناملی کیمه گه جایلشتیریله دیگن 50 کیشیلیک دستلبکی گروپ نینگ, جاری هفته ده کیمه نینگ موجود بولگن پورتلند ارالی گه آلیب باریلیشی کوتیلماقده. 

انگلستان مطبوعاتیده باسیلیب چیققن خبر لر گه کوره, 50 کیشیلیک دستلبکی مهاجر لر گروپی نینگ جاری هفته ده مهاجرت طلب لری نینگ پروسه سی دوامیده قاله دیگن اوشبو کیمه گه جایلشتیریلیشی کوتیلماقده. 

کیله جک هفته لرده ایسه موجود پلان دایره سیده 500 قاچاق مهاجر نینگ همه سی نینگ مذکور کیمه گه جایلشتیریله دیگن لیگی تخمین ایتیلماقده. 

کمیده 18 آی دوامیده مهاجر لرنینگ یشیه یدیگن 222 اتاقلی اوشبو کیمه, اوتگن هفته ده دورسیت نینگ جنوبی قیرغاغیده گی پورتلند بندری گه ییتیب کیلگن ایدی.  خوددی شوو کیمه منطقه اهالی سی و انسان حقلری گروپ لری تامانیدن ناراضی چیلیک بیلن کوتیب آلینگن ایدی. 

حکومت, کیمه ده یشیه دیگن کیشی لرنینگ, فقط گینه انگلستان گه ناقانونی روشده کیلگن 18 الی 65 یاش اورته سیده گی ایرکک کیشی لر دن عبارت ایکن لیک لرینی معلوم قیلگن ایدی. 

انگلستان حکومتی تامانیدن بیریلگن بیاناتده, حاضرگی کونده انگلستانده گی هوتل لرده تقریباً 51 مینگ قاچاق مهاجر نینگ موجود ایکن لیگی معلوم قیلینرایکن, اوشبو وضعیت نینگ ایسه مالیه بیره دیگن کیشیلر اوچون کونده لیک 6 میلیون سترلین گه تمام بولیاتگن لیگی بیلدیریلگن ایدی. 

اولکه ده گی مهاجر لر گه طرفدار نادولت تشکیلاتلر و انسان حق لری تشکیلات لری, مهاجر لرنینگ کیمه ده یشش لری نینگ "انسانلیککه سیغمه یدیگن لیگینی" بیلدیرماقده.