کاناداده اورمان یانغینلرینی اوچیرووچی تیک اوچر قولب توشدی

کانادانینگ آلبیرتا ایالتیده اورمان یانغینلرینی اوچیره دیگن بیر تیک اوچرنینگ قولب توشیشی عاقبتیده پیلوت حیاتینی یوقاتدی.

خوددی شو پیلوت نینگ اولیشی بیلن کاناداده مارچ آییدن بیری اورمان یانغینلریده حیاتینی یوقاتگنلرنینگ سانی 4 گه ییتدی.

بوندن آلدین یانغینلرگه قرشی کوره شگن 2 نفر اطفائیه چی بیلن بیر قطارده اوتگن هفته 9 یشر بیر باله جان بیرگندی.

کانادا مقیاسیده شو وقت 885 دن آرتیق منطقه ده یانغینلر دوام ایتماقده. بولردن کمیده 600 ته سی حلی گچه کنترول آستیگه آلینگن ایمس.

اولکه ده اورمان یانغینلریده کول بولیب قالگن اورمانلیک ساحه ایسه 110 میلیون حکتاردن آشدی.

کانادا طبیعی منبعلر وزیرلیگی و باشقرمه لر ارا اورمان یانغین مرکزی تامانیدن بیریلگن راپورگه کور جاری ییلده کاناداده اورمان یانغینلری طفیلی یوقه لیب کیتگن زراعت ییر مقداری تاریخی درجه ده کوپ بولگن وضعیتده.

شونده ی بولیب 1989 ییلی اپریل – سپتامبر آیلرینی اوز ایچی گه آلگن اورمان یانغینلری موسومیده قریب 7،6 میلیون جریب اورمانلیک ساحه نینگ یانیب کیتگن لیگی بیلدیریلدی. کاناداده بو ییل حلی گچه یانغین موسومی نینگ اورته سیده کیلگن حالده 10 میلیون جریبدن آرتیق اورمانلیک ساحه یانیب کیتگن.