جمهوررئیس اردوغان قطر امیری بیلن اوچره شدی

تورکیه جمهوریتی جمهوررئیسی رجب طیب اردوغان, توناون رسمی بیر سفر بیلن تشریف بویورگن قطر پایتختی دوحه ده, قطر امیری شیخ تمیم بن حمد آل ثانی بیلن اوچره شدی. 

جمهوررئیس اردوغان, قطر امیری شیخ تمیم بن حمد آل ثانی تامانیدن رسمی مراسم بیلن کوتیب آلیندی.

مراسم کیتیدن ایکله اولکه هیئت لری نینگ تانیشتیریلیشی آرتیدن اردوغان بیلن آل ثانی اورته سیده یککه مه یککه اوچره شوو بولیب اوتدی. 

اوچره شوو آلدی دن اردوغان, آل ثانی گه تورکیه ده ایشلب چیقریلگن توگ دیب ناملنگن موتر نی ساوغه قیلدی و ایکه رهبر لوسیل قصری صحنی ده اوشبو موتر نی کوریب چیقدی.

اردوغان, یککه مه یککه اوچره شوو نینگ بولیب اوته دیگن بنا گه, آل ثانی نینگ هیده گن توگ بیلن باردی. 

جمهوررئیس اردوغان, قطر امیری آل ثانی تامانیدن اونینگ اوچون ترتیب لنگن رسمی آقشام دعوتی گه هم اشتراک قیلدی. 

لوسیل قصریده گی اوشبو آقشام دعوتی مطبوعات گه یاپیق بولیب اوتدی. 

اردوغان کیین قطرده گی اوچره شوو لری نی تکمیل قیلیب بیرلشگن عرب امیرلیک لری گه جونب کیتدی. 

عینی دمده, قطر امیری شیخ تمیم, اردوغان نینگ سفری بیلن علاقه لی تویتر آرقه لی بیرگن بیاناتیده, "قرداشیم جمهوررئیس رجب طیب اردوغان نی دوحه ده کوتیب آلگن لیگیم اوچون خرسند بولدیم" دییه قید ایتدی. 

شیخ تمیم, اقتصادی همکارلیک نی ینه ده امید بیروچی فرصت لر گه ایلنتیریش دایره سیده ایکّی قرداش خلق نینگ اورتاق منفعت لرینی عملی قیله دیگن شکلده اوچره شگن لیکلری نی بیلدیردی.

قطر امیری, جمهوررئیس اردوغان بیلن منطقه و دنیا نینگ دوچ کیلیب قالگن قیین چیلیکلر حقیده گپیرگن لیکلری و اوشبو توغریده بحث ایتیش اوچون خلق ارا همکارلیک نینگ کوچه یتیریلیشی اهمیتی گه دقت قره تگن لیک لرینی ایسله تیب اوتدی.