امریکا قوشمه ایالتلریده قوراللی هجوملر سانی آرتیب بارماقده

امریکا قوشمه ایالتلریده, جاری ییلده اویوشتیریلگن 28 هجوم عاقبتیده 140 نفر حیاتینی یوقاتدی. 

اسوشیتید پرس و یو اس تودی تامانیدن نورد ایسترن عالی بیلیم یورتی بیلن اورتاق بیر شکلده آلیب باریلگن علمی تدقیقات نینگ نتیجه سی گه کوره, امریکا قوشمه ایالتلریده 1- جنوری دن 30- جون گه قدر, بیری دن تشقری همه سی قوراللی حمله دن عبارت 28 هجوم اویوشتیریلدی. 

خوددی شوو مدت مابینیده اویوشتیریلگن هجوملرده 140 کیشی حیاتینی یوقاترایکن, اوشبو دور میلادی 2006 ییلدن بیری ایلک آلتی آیده اینگ کوپ هجوم ثبت ایتیلگن دور دن عبارت بولدی. 

متخصص لر, امریکا قوشمه ایالتلریده هجوم لر نینگ آرتیب کیتیشی نینگ اساسی سببی نینگ اوشبو اولکه ده قورال ایگه سی بولیش میزانی نینگ یوقاری بولگن لیگی دن عبارت ایکن لیگینی اویله ماقده. 

امریکا قوشمه ایالتلری دولت رهبری جو بایدن, 27- مارچ کونی تنسی ایالتیده بیر مکتبده اویوشتیریلگن و 3 نفری باله لردن عبارت 6 کیشی نینگ حیاتینی یوقاتگن هجوم آرتیدن بیرگن بیاناتیده, قورال ایگه سی بوییچه قانونلر گه اوزگریش کیریتیلیشی اوچون چقیریق بیرگن ایدی. 

اوشبو اوزگریش لر, یریم اوتوماتیک قوراللر کبی هجوم قوراللری نینگ ممنوع قیلینیشی و قورال ساترایکن, ساتیب آله دیگن کیشی لرنینگ اوتمیشی نینگ کینگ کولملی اوله راق تیکشیریلیشی نی قمره ماقده. 

امریکا قوشمه ایالتلریده 4- جولای مستقللیک کونی مراسم لری هفته سیده هم فرقلی ایالتلرده اویوشتیریلگن قوراللی هجوم لرده 15 حیاتینی یوقاتگن ایدی.