اروپا اتفاقی کینگش باشلیغی و آذربایجان – ارمنستان رهبرلری اورته سیده اوچ تامانلیک جلسه بولیب اوته دی

ارمنستان باش وزیری نیکول پشینیان، آذربایجان جمهور باشلیغی الهام علی یف و اروپا اتفاقی کینگش باشلیغی چارلیس میشل نینگ بلجیم نینگ پایتختی بروکسل ده اوچره شیشیدن خبر بیریلدی.

اوشبو بیانات ارمنستان وزیرلر کینگشی جلسه سی نینگ آرتیدن پشینیان تامانیدن بیریلدی.

پشینیان 15 جولایده بروکیل ده علی یف و میشل بیلن اوچ تامانلیک جلسه اوتکزه جکلرینی ایتدی.

پشینیان جلسه ده آذربایجان بیلن ارمنستان اورته سیده قول قوییله دیگن تینچلیک کیلیشووی اوچره شوولریده آلغه باریله جگینی امید قیلگن لیگینی بیلدیردی.

علی یف، پشینیان و میشل 14 می تاریخیده ینه بروکسل ده اوچ تامانلیک جلسه ده اوچره شگندی. شونده ی بولیب 1 جون تاریخیده مولدواده اویوشتیریلگن اروپا سیاسی همجمعیتی جلسه سی دایره سیده فرانسه جمهور باشلیغی ایمانوئیل مکرون و آلمان باش وزیری اولاف شولزنینگ هم قتنشیشی بیلن بیش تامانلیک جلسه اوتکزیلگندی.

میشل تینچلیک کیلیشووی، ترانسپورت، خوفسیزلیک و چیگره تعیینلش فعالیتلری کبی باشلیقلرنی بهالندیرگن لیکلرینی معلوم قیلیب آذربایجان بیلن ارمنستان رهبرلرینی اوچره شتیرووچی کیینگی جلسه نینگ جولای آییده بروکسل ده ئبولیب اوتیشیدن خبر بیرگندی.