اردوغان بیلن بایدن اورته سیده اوچره شوو بولیب اوتدی

تورکیه جمهوریتی جمهوررئیسی رجب طیب اردوغان, توناون, لتوانیا ده گی ناتو رهبر لر ییغیلیشی دایره سیده, امریکا قوشمه ایالتلری دولت رهبری جو بایدن بیلن اوچره شدی. 

اوشبو اوچره شوو بیر ساعت دن آرتیق بیر مدت دوام ایتدی. 

جمهوررئیس اردوغان, اوشبو اوچره شوو آلدی دن بیرگن بیاناتیده, "(امریکا قوشمه ایالتلری بیلن) ستراتیژیک میکانیزم دایره سید ایندی نوبت نینگ, دولت رهبر لری سویه سیده مصلحت لر گه کیلگن لیگی نی اویله ماقده من.  اوچره شوو نی بونینگ دستلبکی آدیمی اوله راق بهالنتیرماقده من.  امریکا قوشمه ایالتلری دولت رهبری بایدن بیلن بولگن بوندن آلدینگی اوچره شوولری میز بیر تیارگرلیک خصوصیتی گه ایگه ایدی.  لیکن ایندی ینگی بیر پروسه نی باشله ته میز" دییه قید ایتگن ایدی. 

تورکیه ده می آییده بولیب اوتگن جمهوررئیسی سیلاوی نینگ ایکّینچی روندی آرتیدن بایدن نینگ اونگه قونغیراق قیلیب تبریک بیلدیرگن لیگینی معلوم قیلگن جمهوررئیس اردوغان, امریکا قوشمه ایالتلری دولت رهبری گه "کیلگوسی سیلاو پروسه سیده سیز گه هم موفقیتلر تیلب قاله من" دیگن ایدی.

بایدن هم, سویدن بیلن علاقه لی آلیب باریاتگن دیپلماتیک و رهبرلیک فعالیت لری سببلی جمهوررئیس اردوغان گه منتدارلیک بیلدیررایکن, تورکیه نینگ, سویدن نینگ ناتو اعضالیگی بوییچه پروتکل نی تورکیه جمهوریتی پارلمانی گه آلیب باره دیگن لیگینی بیلدیرگن لیگینی خرسندچیلیک بیلن کوتیب آلگن لیگینی معلوم قیلگن ایدی. 

ناتو رهبر لر ییغیلیشی نی "تاریخی" اوله راق بهالنتیرگن بایدن, اوشبو اتفاق نینگ مدافعه کوچی نینگ آرتیریلیشی بوییچه وعده لرینی هم تکرارله گن ایدی. 

بایدن, اردوغان نینگ میلادی 2024- ییلده امریکا قوشمه ایالتلریده بولیب اوته دیگن دولت رهبرلیگی سیلاو لریده موفقیت تیله شی آرتیدن, منتدارلیک بیلدیریب, "کیلگوسی بیش ییلده سیز بیلن اوچره شیش نی صبرسیزلیک بیلن کوتماقده میز" دییه قید ایتگن ایدی.

جمهوررئیس اردوغان اوشبو اوچره شوو بیلن علاقه لی اجتماعی ترماق آرقه لی بیرگن بیاناتیده, "(بایدن بیلن) اوچره شووی میزده ایکّی تامانلمه مناسبت لر و خوفسیزلیک ساحه سی بوییچه همکارلیک امکانیت لری میز توغریسیده سوز یوریتدیک.  اوچره شوو لری میز نینگ خیرلی بولیشی نی تیلب قاله من" دییه قید ایتدی. 

تورکیه جمهوریتی جمهوررئیسلیک علاقه باشقرمه سی تامانیدن بیریلگن بیاناتده هم, "اوچره شووده, تورکیه بیلن امریکا قوشمه ایالتلری اورته سیده گی سیاسی, اقتصادی و تجاری مناسبت لر, خوفسیزلیک ساحه سیده گی همکارلیک امکانیت لری و منطقه مقیاسیده گی موضوع لر حقیده سوز یوریتیلدی" دییه قید ایتیلدی. 

بایدن هم, ناتو رهبر لر ییغیلیشی دایره سیده ویلنیوسده اردوغان بیلن بولیب اوتگن اوچره شووی توغریسیده اجتماعی ترماق آرقه لی بیانات بیردی. 

بایدن اوشبو بیاناتیده, ناتو رهبر لر ییغیلیشی نینگ تورکیه نینگ سویدن نینگ اعضالیگی گه تیگشیلی قراری بیلن "بوندن هم تاریخی راق" بیر معنی گه ایگه بولگن لیگینی بیلدیردی. 

جمهوررئیس اردوغان بیلن عکسی نی ترقه تگن بایدن, "جمهوررئیس رجب طیب اردوغان بیلن ناتو رهبر لر ییغیلیشی دایره سیده لتوانیا ده ینه اوچره شیش جوده یخشی بیر ینگیلیک دن عبارت بولدی" دییه قید ایتدی.