انگلستان بیر قطار سودانلیک شرکتلرگه چیکلاو عملی قیلیش قراری آلدی

انگلستان سودان ده توقنه شوولرنینگ ایچیده بولگن حربی گروپلر بیلن قولی بولگن لیگی طفیلی 6 ته تجاری باشقرمه گه چیکلاو کیریتیش قراری آلدی.

انگلستان تشقی ایشلر وزیرلیگی تامانیدن بیریلگن بیاناتده سودان ده اوروش نینگ تیزکار کمک کوچلری و سودان اردوسی بیلن علاقه لی تجاری باشقرمه لرنینگ هدف آلینگن لیگی بولردن 6 ته سیگه چیکلاو عملی قیلینه جگی قید ایتیلدی.

اوشبو چیکلاولرنینگ سودان ده اوروشیب تورگن جنگریلر مادی و قورال یاردمی تامین ایتیب اولکه ده گی ویران قیلووچی توقنه شووگه سبب بولگنلرگه قره ته ایکن لیگی افاده ایتیلگن بیاناتده چیکلاو قراری آلینگن هولدینگ و شرکتلر انگلستان ده ایگه بولگن برچه داراییلری نینگ موزله تیب قوییله جگی بیلدیریلدی.

بیاناتده،

"سودان اردوسی و تیزکار کمک کوچلری تامانیدن کنترول آستیده بولگن شرکتلرگه قره ته آلینگن بو تدبیرلر، انگلیس وطنداشلری، شرکتلر و بانکلرنینگ بو شرکتلر بیلن ایش قیلیشی گه توسیق بولیب اقتصادی ایرکین لیگینی محدودلشتیریش و تینچلیک جریانی گه کیریشلری اوچون تامانلر اوستیگه باسیم قیلیش." دیب ایتیلدی.