کویت حکومتی سویدن ده قرآن کریم ترقه تیش قراری آلدی

کویت حکومتی سویدن ده ترقه تیش اوچون 100 مینگ جلد سویدن تیلیده ترجمه قیلینگن قرآن کریم ترقه تیش قراری آلدی.

اولکه نینگ رسمی آژانسی KUNA ده اورین آلگن خبرده وزیرلر کینگشی نینگ هفته لیک جلسه سیده اسلام نینگ صمیمی بغری کینگلیک دینی ایکن لیگینی سویدن خلقی گه اورگتیش مقصدی بیلن بو اولکه ده قرآن کریم ترقه تیش قراری آلینگن لیگی بیلدیریلدی.

باش وزیر شیخ احمد نواف الاحمد الصباح نینگ بویروغی بیلن 100 مینگ ته قرآن کریم سویدن تیلیده ترجمه قیلیب چاپ ایتیله جگی معلوم قیلیندی.

کویت تشقی ایشلر وزیرلیگی بیلن علاقه ده بولیب قرآنکریم نینگ سویدن ده سیوگی و صمیمیت بیلن ترقه تیله جگی تاکییدلنگن خبرده اوشبو تشبث بیلن اسلام نینگ قدریت و اساسلرینی قاله ویرسه انسانلرنینگ بیرگه لیکده حیات کیچیریشلری بوییچه مهم پیام بیریلیشی مقصد قیلیب آلینماقده.

سویدن نینگ پایتختی ستکهلم ده عراقلیک سالوان مومیکه 28 جونده ستکهلم مسجدی نینگ قاشیده پولیس نینگ حمایه سی آستیده قرآن کریم نی اوتگه بیرگندی.

اوشبو حادثه تورکیه قاله ویرسه خلق ارا مقیاسده برچه تامانیدن قاره لنگندی.