کنیاده آلیب باریلگن آچلیک طریقتی تیرگاوی دایره سیده اونلب کیشی نینگ جسدی تاپیب آلیندی

کنیا پولیس باشقرووی «آچلیک طریقتی» تیرگاوی دایره سیده ینه 12 کیشی نینگ جسدینی قولگه کیریتدی.

کنیا ایچکی ایشلر وزیری کیتوره کیندیکی اپریل آییدن بوگونگچه آلیب باریلگن تیرگاو د ایره سیده 40 ته عمومی قبر کشف ایتگن لیکلرینی و اولگنلر سانی نینگ 351 گه ییتگن لیگینی بیلدیردی.

کلیسا جایلشگن اورمانده توناون کونی آلیب باریلگن قازوولر نتیجه سیده 12 ته جسد قولگه کیریتگن لیکلرینی افاده ایتگن ایچکی ایشلر وزیری کیندیکی اولکه ده قیتیب بونقه وحشت نینگ یوز بیرمه یشی اوچون برچه چاره – تدبیرلرنینگ آلینیشیدن خبر بیردی.

گود نیوز انترنیشنل کلیساسی راحبی پاول مکنزی نینگ کلیساده گی انسانلرگه آچ قالگنلری تقدیرده حضرت عیسی گه ایریشیشلرینی وعده قیلیب انچه کیشی نینگ اولیشی گه سبب بولگن لیگی عیبلاوی بیلن تیرگاو باشلتگندی.

طریقت نینگ رهبری مکنزی تیرگاونینگ باشیده پولیس کوچلریگه 1 مینگ کیشی نینگ جسدی نینگ تاپیب آلیشلرینی ایتگندی.

طریقت بیلن تیگیشلی عملیاتده 45 کیشی نظارت گه آلینر ایکن 95 کیشی ایسه اورماندن قوتقریب آلینگندی.

یوزه گه چیققن اوشبو وحشت نینگ آرتیدن کنیا پولیس کوچلری کوپلب طریقت و گروپلرگه قرشی عملیات اویوشتیرگندی.