بایدن اردوغان نینگ سویدن حقیده گی سیاستی بوییچه خرسندچیلیک بیلدیردی

امریکا قوشمه ایالتلری دولت رهبری جو بایدن, تورکیه نینگ سویدن نینگ ناتو اعضالیگی بوییچه پروتکل لرنی تورکیه پارلمانی گه آلیب باریش باره سیده گی قراری نی خرسندچیلیک بیلن کوتیب آلگن لیگینی بیلدیردی.

بایدن, بیرگن یازمه بیاناتیده, جمهوررئیس رجب طیب اردوغان نینگ, سویدن نینگ ناتو اعضالیگی پروتکل لری نی تصدیقلش اوچون تورکیه پارلمانی گه مراجعه قیلیش وعده سی داخل تورکیه, سویدن و ناتو عمومی منشی سی ینس استولتنبرگ تامانیدن ترقه تیلگن بیانات نی خرسندچیلیک بیلن کوتیب آلگن لیکلرینی معلوم قیلرایکن, "اروپا- اتلانتیک منطقه سیده مدافعه ساحه سی و کوچی میز نی آرتیریش بوییچه جمهوررئیس اردوغان و تورکیه بیلن همکارلیکده فعالیت یوریتیش گه تیار میز" دییه قید ایتدی. 

بایدن, سویدن نی ناتو نینگ 32- متفقی اوله راق کوتیب آلیش نی صبرسیزلیک بیلن کوتیاتگن لیکلرینی بیلدیررایکن, قاطعانه حمایتی اوچون ناتو عمومی منشی سی استولتنبرگ گه منتدارچیلیک بیلدیردی.

امریکا قوشمه ایالتلری نینگ بعضی وکیل لری هم بیرگن بیاناتلریده, تورکیه نینگ, سویدن نینگ ناتو اعضالیگی پروتکلی نی تورکیه پارلمانی گه یوباره دیگن لیگی بوییچه بیاناتی نی خرسندچیلیک بیلن کوتیب آلگن لیکلرینی معلوم قیلدی. 

توناون لتوانیا پایتختی ویلنیوسده جمهوررئیس اردوغان, سویدن باش وزیر اولف کریسترسون و ناتو عمومی منشی سی ینس استولتنبرگ ناتو رهبر لر ییغیلیشی دایره سیده اوچره شیب کیلیشیب آلگن ایدی. 

اوشبو دایره ده تورکیه نینگ, سویدن نینگ ناتو اعضالیگی پروتکل لرینی تورکیه پارلمانی گه یوباره دیگن لیگی, سویدن نینگ ایسه گمرک بیرلیگی نینگ اپدید ایتیلیشی و ویزه معافیتی داخل تورکیه نینگ اروپا اتفاقی اعضالیگی پروسه سینی فعال بیر شکلده قوللب- قوتله یدیگن لیگی بیلدیریلگن ایدی.