انگلستانده اسرائیل گه قرشی ناراضی چیلیک نمایشلری اوتکزیلدی

انگلستان پایتختی لندنده, اسرائیل کوچلری نینگ اشغال آستیده گی غربی نوار نینگ شمالیده گی جنین شهری گه باسیب کیرگن لیگی و اویوشتیرگن هجوم لری گه قرشی ناراضی چیلیک نمایشلری اوتکزیلدی. 

اسرائیل نینگ لندن ایلچی خانه سی آلدیده بولیب اوتگن اوشبو ناراضی چیلیک نمایش لری گه کوپلب کیشی اشتراک قیلدی. 

ناراضی چیلیک نمایشلری جریانیده بیانات بیرگن اسکاتلند ملی حزبی نینگ انگلستان پارلمانیده گی وکیلی تامی شیپرد, نمایش لر و خلق ارا تسبث لر بیلن اسرائیل گه باسیم قیلینیشی کیره ک ایکن لیگینی بیلدیردی. 

انگلستان پارلمانیده دولت اداره لری نینگ اسرائیل نی بایکوت قیلیشی نینگ آلدینی آلیش بوییچه قانون لایحه سی حقیده بحث ایتیلیاتگن لیگینی ایسلتگن شیپرد, "بو قانون لایحه سی نینگ قبول قیلینمس لیگی اوچون سعی و حرکت قیلماقده میز" دییه قید ایتدی. 

شیپرد, اسرائیل گه قرشی ناراضی چیلیک نمایشلری نینگ یهودی لر گه دشمنلیک معنی سی گه کیلمه یدیگن لیگینی بیلدیردی. 

هسته ای قورالسیزلشتیریش کمپاینی سوزچیسی کارول تورنر هم انگلستان حکومتی نینگ اسرائیل نی قوللب- قوتله شی نینگ اداققه ییتگونگه قدر فلسطین نی حمایت قیلیش بوییچه فعالیت لرینی دوام ایتدیره دیگن لیکلرینی معلوم قیلدی. 

مسجدالاقصی نینگ دوستلری گروپی دن شاموئل جوردر ایسه, "فلسطینده اداققه ییتمه گن بیر اشغال و استعمار موجود.  فلسطین ایرکین بولگونگه قدر, فلسطینلیک لر بیلن همکارلیگی میز نی دوام ایتدیریشی میز کیره ک.  ایرکین فلسطین اوچون اقدام قیلیشی میز ضروری.  بایکوت قیلیشی میز, تحریم تطبیق ایتیشی میز, ناراضی چیلیک نمایش لری اوتکزیشی میز و حکومت نی حساب بیریش گه مجبور قیلیشی میز کیره ک" دییه قید ایتدی.

ایشچی حزبی نینگ آلدینگی باشلیغی جرَمی کوربین هم پارلمانده اسرائیل نی بایکوت قیلیش نینگ آلدینی نینگ آلینیشی بیلن علاقه لی قانون لایحه سی گه مخالفت قیله دیگن لیک لرینی بیلدیررایکن, اشتراکچی لرنی اوز وکیل لری گه باسیم قیلیش گه چقیردی. 

اسرائیل اردوسی, 3- جولای کیچه سی جنین شهری و جنین مهاجر لر کمپی گه باسیب کیریب منطقه نی اوره ب آلگن ایدی. 

اسرائیل کوچلری نینگ تقریباً 48 ساعت دوام ایتگن هجوم لری عاقبتیده 12 نفر فلسطینلیک حیاتینی یوقاترایکن, 120 نفر ایسه یره لنگن ایدی. 

حیاتینی یوقاتگن فلسطینلیک لردن 4 نفری نینگ باله ایکن لیگی و یره لنگن لرنینگ 20 کیشی سی نینگ ساغلیق وضعیتی نینگ یمان ایکن لیگی معلوم قیلینگن ایدی.