تورک دولتلری تشکیلاتی عمومی منشی سی بروکسل گه تشریف بویوردی

تورک دولتلری تشکیلاتی عمومی منشی سی قربانیچبیک عمر علی اف, اوشبو تشکیلات بیلن اروپا اتفاقی اورته سیده "مستحکم بیر مناسبت" قوریش مقصدی بیلن, بلجیم پایتختی بروکسلده اروپا اتفاقی موسسه لرینی کوریب چیقدی. 

تورکیه نینگ اروپا اتفاقی دایمی نماینده سی فاروق قیماقچی, عمر علی اف نینگ بروکسل گه تشریفی مناسبتی بیلن بیر دعوت ترتیب له دی. 

اوشبو دعوت گه تورک دولتلری تشکیلاتی اعضاسی اولکه لر بیلن ناظر اولکه لرنینگ ایلچی لری دن تشقری اروپا اتفاقی کمیسیونی, اروپا پارلمانی, اروپا اتفاقی کینگشی دن نماینده لر و باشقه کوپلب کیشی لر اشتراک قیلدی. 

مراسمده معروضه قیلگن عمر علی اف, اروپا اتفاقی اداره لری نی کوریب چیققن بیرینچی تورک دولتلری تشکیلاتی عمومی منشی سی ایکن لیگینی بیلدیررایکن, "اوشبو سفر تورک دولتلری تشکیلاتی نینگ منطقه و خلق ارا مقیاسده گی کونساین آرتیب باریاتگن رولی نینگ کورستگیچی دن عبارت" دییه قید ایتدی.

عمر علی اف, وظیفه سی جریانیده, تورک دولتلری تشکیلاتی و اروپا اتفاقی اورته سیده مستحکم بیر مناسبت نینگ قوریلیشی اوچون سعی و حرکت قیله دیگن لیگینی بیلدیردی.

عمر علی اف, تورک دولتلری تشکیلاتی اولکه لرنینگ انرژی نینگ تامین ایتیلیشی و خوفسیزلیگیده مهم بیر اورین گه ایگه ایکن لیگی, آسیا بیلن اروپا اورته سیده حیاتی بیر ترانزیت یولی ایکن لیگینی معلوم قیلدی. 

تورکیه نینگ اروپا اتفاقی دایمی نماینده سی قیماقچی هم, تورک جمعیت لرنینگ فقط گینه اورته آسیا و انادولوده ایمس, بلکه اوکراین, بالکان لر و اروپا کبی کینگیش جغرافیه ده موجود ایکن لیگینی بیلدیردی. 

قیماقچی, "اورته آسیا و تورک دنیا سی, اروپا اوچون اینیقسه ترانسپورت و انرژی کبی ساحه لردن تشقری تینچلیک و برقرارلیک جهتی دن هم مهم. شوباعث تورک دولتلری تشکیلاتی نینگ بروکسلده بوندن هم کوپراق موجود بولیشی و اروپا اتفاقی نینگ تورک دولتلری تشکیلاتی بیلن یخشی مناسبت لر قوریشی کیره ک ایکن لیگی گه ایشانماقده میز" دییه قید ایتدی.