سودانده غربی دارفور ولایتی والیسی اولدیریلدی

سودان نینگ چاد چیگره سیده گی غربی دارفور ولایتی والیسی خمیس عبدالله ابکر اولدیریلدی. 

سودان اردوسی تامانیدن بیریلگن بیاناتده, "قوراللی کوچلری, غربی دارفور ولایتی والیسی خمیس عبدالله ابکرنی آلیب قاچیریب اولدیرگن تیزکار حرکت کوچلری ملیشه لری نینگ اوشبو خائنانه ایشینی قتتیق بیر شکلده قاره له ماقده" دییه قید ایتیلدی. 

اولدیریلگن والی نینگ سودان حکومتی نینگ میلادی 2020- ییلده قوراللی گروه لر بیلن تینچلیک کیلیشووی نی امضاله گن رهبرلر دن بیری ایکن لیگی گه دقت قره تیلگن بیاناتده, اوشبو دایره ده, حادثه نینگ اردو بیلن "عصیانچی" تیزکار حرکت کوچ لری اورته سیده گی توقنه شوو لر بیلن هیچ قنده ی بیر ارتباطی نینگ موجود ایمس لیگی بیلدیریلدی.

اجتماعی ترماق آرقه لی ایسه, والی نینگ تیزکار حرکت کوچلری تامانیدن آلیب قاچیریلگن لیگی بیلن علاقه لی تصویر لر ترقه تیلگن ایدی.