دنیاده مهاجر بولگن باله لر سانی قیرق اوچ میلیون دن آشدی

دنیا ده مهاجر بولگن باله لر سانی 43,3 میلیون نفر گه ییتدی. 

بیرلشگن ملتلر تشکیلاتی باله لر گه یاردم فوندی (یونیسف), دنیاده مهاجر بولگن باله لر حقیده راپور ترقه تدی.

راپورده, مهاجر بولگن باله لر سانی نینگ 2022- ییلی نینگ سونگّی گه قدر 43,3 میلیون نفر گه ییتگن لیگی بیلدیریلدی. 

یونیسف نینگ مسئول لری دن بیری بولگن کاترین راسیل, "دنیاده گی اوروش لر, بحران و اقلیم اوزگریشی سببلی یوز بیریاتگن آفت لر باعث مهاجر بولگن باله لر سانی آرتیب بارماقده" دییه قید ایتدی. 

راپورده, سونگّی 10 ییلده اوز اوی لری نی ترک ایتیش گه مجبور قیلینگن باله لر سانی نینگ 2 قَوَت کوپه یگن لیگی معلوم قیلیندی. 

اوکراین ده گی اوروش سببلی 1 میلیون باله نینگ اوز اولکه سی نی ترک ایتیش گه مجبور بولگن لیگی بیلدیریلگن راپورده, 1 میلیون باله نینگ ایسه اوکراین ایچیده مهاجر ایکن لیگی ایسله تیلدی. 

راپورده, 43,3 میلیون باله دن 60 فایزی نینگ اوروش و زوروانلیک سببلی مهاجر بولگن لیگی و باش پنه سوره گن باله لرنینگ ایسه 17,5 میلیون نفر گه ییتگن لیگی معلوم قیلیندی. 

سودان ده گی اوروش سببلی ایسه حاضرگی کونده 940 مینگ باله نینگ مهاجر بولگن لیگی معلوم قیلینگن راپورده, هوا شرایطی نینگ یمان ایکن لیگی باعث هم میلیونلب باله نینگ اوز اوی لرینی ترک ایتگن لیک لری بیلدیریلدی.