ناتو کوسوا گه عسکر یوباره دی

ناتو عمومی منشی سی ینس استولتنبرگ, اوسلو ده ناروی باش وزیری یوناس گار استوره بیلن ترتیب له گن اورتاق مطبوعات ییغینیده بیرگن بیاناتیده, ناتو نینگ کوسوا ده گی تینچلیک نی سقلش کوچی گه قوشیمچه 700 عسکر نینگ یوباریله دیگن لیگی نی معلوم قیلدی. 

استولتنبرگ, کوسوا تینچلیک نی سقلش کوچی گه قره تیلگن هجومده 30 عسکر نینگ یره لنگن لیگینی بیلدیررایکن, اوشبو هجوم نی قاره له دی. 

استولتنبرگ, "بونده ی هجوم لرنینگ قبول قیلینیشی ممکن ایمس, زودلیک بیلن توخته تیلیشی کیره ک.  کوسوا تینچلیک نی سقلش کوچی و ناتو کوچ لری, کوسوا ده برچه انسان لرنینگ خوفسیزلیگی نینگ تامین ایتیلیشی اوچون کیره کلی قدم لرنی تشله یدی. بیرلشگن ملت لر تشکیلاتی تامانیدن بیریلگن صلاحیت دایره سیده طرفسیز بیر شکلده حرکت قیلیش گه دوام ایته میز" دییه قید ایتدی. 

عینی دمده استولتنبرگ, کوسوا بیلن صربستان نینگ بحران نینگ کمه یتیریلیشی اوچون انیق قدم لر تشله شی کیره ک ایکن لیگی نی بیلدیررایکن, مسئولیتسیز حرکت لر دن اوزاق توریشی نینگ ضروری ایکن لیگینی ایسله تیب اوتدی.