ناتو باش کاتبی شمالی کوریانی قاره له دی

ناتو باش کاتبی ینس ستولتنبرگ شمالی کوریانینگ بالستیک راکت تکنالوجیسیدن ایش آلیب حربی ماهواره جونه تیش اورونیشینی قاره له دی.

ستولتنبرگ بیرگن یازمه بیاناتده بو اورنیشنی قتّیق قاره له گن لیگینی معلوم قیلیب

"بو بحراننی کوپه یتیره دی، منطقه و ایریملرنینگ خوفسیزلیگی اوچون جدی ریسک تشکیل ایتماقده. انچه مرته بیرلشگن ملتلر تشکیلاتی خوفسیزلیک کینگشی قرارینی آچیق شکلده اخلال ایتماقده." دیب ایتدی.

بیاناتده شولرگه اورین بیریلدی:

"ناتو شمالی کوریانی بو تحریکی حرکتلرنی توخته تیش گه و دایمی بیر تینچلیک بیلن کوریا یریم آرالی نینگ بوتونله ی هسته ای قورالدن تمیزلشینی تامینلش اوچون دیالوگ گه کیلیش گه چقیره دی. منطقه ده گی یقین اورتاقلریمیز کوریا جمهوریتی و جاپان بیلن بیرگه لیکده دیر."

شمالی کوریانینگ ایرته لب ماهواره جونه تیش اورونیشی نینگ راکت تشووچی تیزیمی گه یوزبیرگن بوزولیش طفیلی ناموفق بولگن لیگی بیلدیریلگندی.

جونه تیش اورونیشی شمالی کوریا تامانیدن 2016 ییلیدن بیری بولگن 6- ناموفق راکت جونه تیش سیناوی دیر.