روسیه بیلن بلاروس اورته سیده هسته ای قورال بوییچه کیلیشووگه قول قوییلدی

روسیه بیلن بلاروس اورته سیده هسته ای قورال جایلشتیریلیشی بیلن تیگیشلی حجت گه قول قوییلدی.

روس دولت خبر آژانسی TASS خبر بیریشیچه روسیه بیلن بلاروس مدافعه وزیرلری روس تخنیک هسته ای قوراللری نینگ بلاروسده جایلشتیریلیشی بیلن تیگیشلی حجت گه قول قویگن.

بوندن تشقری روس میدیاسی، روسیه مدافعه وزیری سرگی شوگونینگ غرب نینگ روسیه بیلن بلاروس گه قره ته "اعلان قیلینمه گن بیر اوروش" آلیب بارگن لیگینی ایتگن لیگینی بیلدیرماقده.

میلادی 2022 ییلی 24 فبروریدن بیری دوام ایتیب تورگن اوکراین ده گی اوروشی موضوعیده یقین اتفاق بولگن روسیه بیلن بلاروس جاری ییل نینگ باشیده مسکونینگ تخنیک هسته ای قورال مهمات دیپوسی نینگ بیر قسمینی بلاروس ده جایلشتیریلیشی توغریسیده کیلیشیب آلگندی.