امریکا قوشمه ایالتلری کوچلری سومالیاده ترور تشکیلاتی الشباب گه قره ته هوا هجومی اویوشتیردی
اوشبو هوا هجومی عاقبتیده ترور تشکیلاتی الشباب نینگ مهم بیر ییتکچیسی نینگ یره لنگن لیگی بیلدیریلدی
سومالیاده امریکا قوشمه ایالتلری تامانیدن اویوشتیریلگن هوا هجومی عاقبتیده ترور تشکیلاتی الشباب نینگ تشقی عملیاتلر ییتکچیسی عثمان محمد عبدی یره لندی.
سومالیا حکومتی تامانیدن بیریلگن بیاناتده هوا هجومی عاقبتیده یره لنگن ترور تشکیلاتی اعضاسی عبدی نینگ خارجیلرنی اولکه گه کیلتیریش، ترور تشکیلاتی نینگ فکر و تبلیغینی آسانلشتیریش و تشقی ایشلر گروهینی باشقریشدن مسؤل ایکن لیگی افاده ایتیلدی.
عملیاتده اورته جوبا منطقه سیده گی جیلیب شهریده ترور تشکیلاتی ییتکچیسی یشینگن اوی نینگ آماج قرار بیریلگن لیگی معلوم قیلیندی.
بیاناتده؛
"بو ترور تشکیلاتی ییتکچیسی ترورچیلیک نینگ ییره شینی آسانلشتیریش قاله ویرسه خارجی تروریست جنگریلرنی اولکه گه کیریتیشدن مسؤل بولگن بیر مجرم دیر" دیب ایتدی.
امریکا قوشمه ایالتلری افریقا قومندانلیگی هم جاری ییل نینگ 20 مارچ تاریخیده جیلیب شهریده ترور تشکیلاتی الشباب گه قره ته هوا هجومی اویوشتیرگن لیگینی بیلدیردی.
علاقه لی ینگی لیکلر
اوکراین اردوسی تامانیدن روسیه نینگ بلگراد شهریگه هجوم اویوشتیریلدی
اوشبو هجوم عاقبتیده اونلب کیشی نینگ اولیب یره لنگن لیگی بیلدیریلدی
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده