ارمنستان حربی کوچلری آذربایجان موضعلریگه قره ته هجوم اویوشتیردی

آذربایجان مدافعه وزیرلیگی ارمنستان کوچلری نینگ چیگره ده جایلشگن آذربایجان موضعلریگه قره ته هیداوچیسیز هوا واسطه لری (درون) آرقه لی هجوم اویوشتیرگن لیگینی بیلدیردی.

وزیرلیک تامانیدن بیریلگن بیاناتده محلی وقت بیلن ایرته لب ساعت 07:15 ده ارمنستان اردوسی نینگ کلبجر ولایتی نینگ یللیجه تورر جایی تامانیده جایلشگن آذربایجان اردوسی نینگ موضعلریگه درون آرقه لی هجوم اویوشتیرگن لیگی معلوم قیلیندی.

بیاناتده آلیب باریلگن تیکشیروو نتیجه سیده ارمنیلر تامانیدن درونلر آرقه لی آتیلگن اوقلرنینگ پارچه لری تاپیب آلینگن لیگی افاده ایتیلدی.

آذربایجان کوچلریگه تلفات یوق لیگی قید ایتیلگن بیاناتده شونده ی بولیب آذربایجان اردوسی نینگ هم جواب بیرگن لیگی بیلدیریلدی.

مذکور بیاناتده منطقه ده ایجاد بولگن برچه بحران نینگ سببی نینگ ارمنستان حربی و سیاسی باشقرووی ایکن لیگی معلوم قیلیندی.