ارمنستان باش وزیری آذربایجان نینگ توپراق بوتونلیگینی تن آلگن لیکلرینی تیلگه آلدی

ارمنستان باش وزیری نیکول پشینیان آذربایجان نینگ توپراق بوتونلیگینی تن آلگن لیکلرینی بیلدیردی.

نیکول پشینیان ایزلندده گی اروپا کینگشی جلسه سیده آذربایجان بیلن بولگن مذاکره گه تماس قیلدی.

اوتگن کونلر اروپا کینگش باشلیغی چارلیس میشل نینگ واسطه چیلیگیده آلغه باریلگن لیگینی قید ایتگن پشینیان آذربایجان بیلن ارمنستان نینگ بیر بیرلری نینگ توپراق بوتونلیگینی تن آلگن لیگینی معلوم قیدی.

ارمنستان و آذربایجان تشقی ایشلر وزیرلری ایرته گه روسیه نینگ پایتختی مسکوده اوچره شوو اوتکزه دی.

روسیه تشقی ایشلر وزیری سرگی لاوروف نینگ میزبانلیگیده بولیب اوته دیگن جلسه ده تینچلیک کیلیشووی بیلن تیگیشلی مذاکره لر آلیب باریله دی.

25 می تاریخیده ایسه روسیه دولت باشلیغی ویلادیمیر پوتین، آذربایجان و ارمنستان رهبرلرینی مسکوده گی اوچ تامانلیک جلسه ده کوتیب آله دی.