کنیا ده آچلیکدن اولگنلر سانی 227 نفر گه ییتدی

کنیاده, اوزلرینی آچ سقلب اولگن لیکلری انیقلنگن لر سانی 227 نفر گه ییتدی. 

مرید لرینی آچ قالیش گه اونده ب اولیم لری گه سبب بولگن "آچلیک طریقتی" تیرگاوی دایره سیده, ینگی جسد لر تاپیلدی. 

قیرغاق منطقه سی کمیسری رودا اونیانچه, طریقت رهبری پاول مک کنزی نینگ تروریزم بیلن عیبلنگن تیرگاو دایره سیده ینگی جسد لرنینگ تاپیلگن لیگینی بیلدیررایکن, تاپیلگن جسد سانی نینگ 227 گه ییتگن لیگینی معلوم قیلدی.  

اونیانچه, اوشلنگن لر سانی نینگ 26 نفر گه ییتگن لیگینی معلوم قیلرایکن, طریقت نینگ موجود بولگن مالیندی قصبه سیده حاضرگی کونده هم 611 دن آرتیق کیشی نینگ لادرک ایکن لیگینی بیلدیردی.  

اورگان تجارتی شبهه سی نینگ کنیا مطبوعاتیده تیز تیز ایسله تیلیشی آرتیدن قیلینگن تیکشیرولرده, بعضی کیشی لرنینگ اورگان لری نینگ چیقریب آلینگن لیگی انیقلندی. 

اتوپسی لرده بعضی باله لر نینگ هم هواسیزلیکدن اولگن لیگی انیقلنگن ایدی. 

طریقت نینگ رهبری مک کنزی, تیرگاو نینگ دستلبکی کونلریده پولیس لر گه, 1000 کیشی نینگ جسدی نی تاپه دیگن لیکلرینی بیلدیرگن ایدی. 

گود نیوز انترنشنل کلیساسی کشیشی پاول مک کنزی نتنگه نینگ, کلیساسیده گی انسانلرگه آچ قالیب حضرت عیسی گه باریش نی وعده بیرگن لیگی بیلدیریلگن ایدی.