سودان ده اردن و کویت بویوک ایلچیلیکلریگه هجوم اویوشتیریلدی

اردن و کویت نینگ سودان بویوک ایلچیلیکلریگه هجوم اویوشتیریلدی

اردن سودان نینگ پایتختی خرطوم ده جایلشگن بویوک ایلچیلیک بناسیگه کیملیگی نامعلوم کیشیلر تامانیدن هجوم اویوشتیریب زیان ییتکیزگن لیگینی بیلدیردی.

اردن تشقی ایشلر وزیرلیگی تامانیدن بیریلگن بیاناتده

"خرطوم ده گی بویوک ایلچی لیگیمزگه قره ته اویوشتیریلگن هجوم نی قاره له یمیز" دییلدی.

دیپلوماتیک وکالتخانه لرنی آماج قرار بیرگن لر قاله ویرسه تورلی خشونتلر قاره لنگن بیاناتده دیپلوماتیک عادتلرگه و تیگیشلی برچه خلق ارا کیلیشوولرگه باغلیق قالیشی نینگ اهمیتی گه دقت تارتیلدی.

بویوک ایلچیلیک بناسیگه اویوشتیریلگن باسقین عاقبتیده بویوک زیان ییتگن لیگی بسقین گه قول اورگنلر حقیده ایسه معلومات بیریلمه دی.

کویت تشقی ایشلر وزیرلیگی تامانیدن بیریلگن هم خرطوم ده گی بویوک ایلچی لیگی گه باغلیق بیر بناگه هجوم اویوشتیریلگن لیگی و انچه زیان ییتگن لیگی بیلدیریلدی.

وزیرلیک تامانیدن بیریلگن یازمه بیاناتگه کوره خرطوم ده جایلشگن کویت بویوک ایلچی لیگی نینگ حربی مسؤلی نینگ اویی بولمیش بناگه باسقین اویوشتیریلگن.

اوشبو باسقین نی قتّیق قاره له گن وزیرلیک اولکه باشقروویگه و اوروشگن برچه تامانلرگه دیپلوماتیک وکالتخانه لرنینگ قوریقلنیشی اوچون کیره ک لی تدبیرلرنینگ آلینیشی بوییچه چقیریق قیلیندی.

بیاناتده اوشبو باسقین گه قول اورگنلرنینگ جزالنتیریلیشی طلب قیلینر ایکن حادثه بیلن تیگیشلی هیچ بیر تامان عیبلنمه گن.

سودانده توقنه شوولر باشله گن 15 اپریلدن بیری پایتخت خرطوم ده تورلی بویوک ایلچیلیکلر و تیگیشلی بنالرگه باسقین و هجوملر اویوشتیریلماقده دیر.