سودان ده یوزمینگلب نفر اوی - جاییدن بدرغه بولگن وضعیتده

سودان ده اردوسی بیلن تیزکار کمک کوچلری اورته سیده بیر آیدن بیری دوام ایتیب تورگن توقنه شوولر طفیلی اوی – جاییدن بدرغه بولگنلرنینگ سانی 950 مینگ گه ییتدی.

بیرلشگن ملتلر تشکیلاتی راپورلریگه کوره 15 اپریلدن بیری اولکه ایچیده 736 مینگ 200 نفر بدر بولگن و قریب 200 مینگ کیشی قوشنی اولکه لرگه پناه کیلتیرگن.

اوی – جاییدن بدرغه بولگنلرنینگ 450 مینگ ته سی باله لردن عبارت ایکن قوشنی اولکه لرنینگ استقرارسیزلیگی طفیلی سودان گه کیلیب پناه کیلتیرگن اون مینگلب کیشی اوز اولکه لریگه قیتیب بارگن.

انچه قاچقین و مهاجر خوفسیز بیر جای اوچون الجزایر و القادریف ایالتلریگه پناه کیلتیرگن وضعیتده.

بدرغه بولگنلرنینگ 500 مینگدن آرتیغی نینگ پایتخت خرطوم دن قاچگنلر تشکیل بیرگن لیگی قید ایتیلدی.

سودان ده اردو بیلن تیزکار کمک کوچلری اورته سیده گی توقنه شوولرنی توخته تیش اوچون سعودی عربستان نینگ جده شهریده تامانلر اورته سیده آلیب باریلگن اوچره شوولر نتیجه سیده 11 می تاریخیده «جده اعلامیه سی» گه قول قوییلگندی.

 امریکا قوشمه ایالتلری بیلن سعودی عربستان نینگ واسطه چیلیگیده آلیب باریلگن اوچره شوولر نتیجه سیده قول قوییلگن اعلامیه ده سودان اردوسی و تیزکار کمک کوچی نینگ تینچ اهالی گه زیان ییتکیزووچی هر قنده ی هجومدن قول تارتیشیدن خبر بیریلر ایکن سودان خلقی نینگ منفعتلری نینگ ایککی تامان اوچون بیرینچی اورینده ایکن لیگی تاکییدلنگندی.