اوکراین دولت باشلیغی زلنسکی باش قومندانلیک قرارگاهی جلسه سینی اوتکزگن لیکلرینی معلوم قیلدی

اوکراین دولت باشلیغی ولودیمیر زلنسکی اوکراین کوچلری اولکه نینگ شرق جبهه سیده روس کوچلرینی بعضی تامانلرده کیینگه قیتیریب یوبارگن لیگینی بیلدیردی.

زلنسکی اجتماعی ترماق آرقه لی بیرگن بیاناتده باش قومندانلیک قرارگاهی جلسه سینی اوتکزگن لیکلرینی معلوم قیلدی.

جلسه ده اوکراین ییر کوچلری و شرقی کوچلری قومندانی الکسندر سیرسکی نینگ سوزگه چیققن لیگینی افده ایتدی.

اوکراین رهبری "کوچلری بویوک اورونیش بیلن دشمن نی توخته تگن و حتی اولرنی بعضی تامانلرده کیینگه قیتیرب یوبارگن سیرسکی نینگ راپوریگه قولاق سالدیک" دیب ایتدی.

زلنسکی جلسه ده تاوریه، اودیسا، شمالی منطقه لر مدافعه کوچلری قومندانلری نینگ هم تیگیشلی جبهه لرده گی ینگی وضعیت حقیده معلومات بیرگن لیگینی شونده ی بولیب بو منطقه لرنینگ کنترولی آستیده ایکن لیگینی قید ایتدی.

جلسه ده اوکراین اردوسی نینگ بیرینچی ضرورتلرینی انیقله گن لیکلرینی افده ایتگن زلنسکی،

"ینگی ایجاد ایتیلگن غندلرگه تجهیزات و مهمات تامین ایتیب بیریلیشی بیلن تیگیشلی بیلگی آلدیک" دیدی.

اوکراین دولت باشلیغی زلنسکی مهمات و راکت تداریکی بیلن تیگیشلی برچه اوزاق مدتلی کیلیشوولرنی هم تیکشیریب چیققن لیکلرینی اورغوله دی.