اروپا اتفاقی نینگ فلسطین ده گی وضعیت طفیلی قیغولنگن لیگی بیلدیریلدی

اروپا تفاقی اسرائیل و اشغال آستیده گی فلسطین توپراقلریده سونگگی پیتلرده کوپه ییب بارگن خشونت حادثه لری طفیلی چقور خواطرده ایکن لیگینی معلوم قیلیب آتشکیسین چقیریغی قیلدی.

اروپا بیرلیگی (اتفاق) تشقی علاقه لر و خوفسیزلیک پولیتیکاسی فوق العاده وکیلی جوزیپ بوریل نینگ دفتری تامانیدن بیریلگن یازمه بیاناتده،

"اروپا اتفاقی بو ینگی خشونت دالغه سی و اشغال آستیده گی فلسطین توپراقلری بیلن اسرائیل ده تاباره یمانلشیب بارگن خوفسیزلیک وضعیتیدن، غزه نینگ اطرافیده باله لر قاله ویرسه قبول ایتیلیشی ممکن بولمه گن تینچ اهالی نینگ تلفاتی گه سبب بولگن حادثه لر طفیلی قیغولنماقده دیر" دییلدی.

اسرائیل نینگ غزه ده گی حربی عملیاتلرینی و اسرائیل گه قرشی قبول ایتیلیشی ممکن بولمه گن راکت آتیشلرینی اداغگه ییتکیزووچی کینگ بیر آتشکیسین چقیریغی قیلینگن بیاناتده مونیخ گروهی مشترک اعلامیه سیگه تماس قیلیندی.

بیاناتده "اروپا اتفاقی اینیقسه مصرنینگ تیزلیک بیلن بیر آتشکیسین تامین ایتیش اورونیشلرینی تقدیر ایتماقده دیر" دییلدی.

اسرائیل اردوسی 9 می کونی تانگ وقتی اسلامی جهاد حرکاتی نینگ ییتکی کدرینی اماج قرار بیرگن لیگینی بهانه قیلیب محاصره آستیده گی غزه گه هجوم اویوشتیریش گه باشله گندی.

اسرائیل نینگ هجوملریده بوگونگچه ایچلریده حرکت نینگ راکت بولیمیدن مسؤل علی حسن گالی هم بولمیش اسلامی جهادنینگ یوقاری ییتکچیلریدن 5 کیشی اولدیریلدی.

اسرائیل اردوسی نینگ هجوملریده حیاتینی یوقاتگن فلسطینلیک سانی 29 گه ییتدی، یره لنگنلر سانی 90 دن آشدی.