تورکیه استخباراتی تامانیدن سوریه ده اویوشتیریلگن عملیاتده کوپلب داعش ترورچیسی اوشلندی

تورکیه جمهوریتی ملی استخباراتی نینگ سوریه ده اویوشتیرگن عملیاتیده, آره سیده قیدیریلیاتگن داعش نینگ بورونغی سوزده تورکیه والیسی شهاب واریش نینگ هم موجود بولگن تورت نفر ترورچی اوشلندی. 

خوفسیزلیک منبع لری دن آلینگن معلوماتگه کوره, تورکیه استخباراتی نینگ سوریه ده گی فعالیت لری نتیجه سیده 4 نفر ترورچی نینگ جایی انیقلندی. 

یوریتیلگن فعالیت لر نتیجه سیده اوشلنگن اوشبو ترورچیلر امنیه قوماندانلیگی گه تاپشیریلدی. 

اوشلنگن ترورچیلردن بیری نینگ قیدیریلیاتگن داعش نینگ بورونغی سوزده تورکیه والیسی شهاب واریش ایکن لیگی انیقلندی. 

واریش نینگ, تورکیه ده داعش تامانیدن اویوشتیریلیشی ریجه لنگن و خوفسیزلیک کوچ لری طرفیدن آلدی آلینگن کوپلب ترورچیلیک هجومی بیلن ارتباطی بولگن لیگی تثبیت ایتیلدی.