آذربایجان – ارمنستان حربی کوچلری اورته سیده توقنه شوو یوزبیردی
موضوع بوییچه آذربایجان مدافعه وزیرلیگی تامانیدن بیانات بیریلدی
آذربایجان مدافعه وزیرلیگی ارمنستان کوچلری بیلن چیگره ده توقنه شوو یوزبیرگن لیگینی بیلدیردی.
وزیرلیک تامانیدن بیریلگن بیاناتده توناون کونی کیچقرون باسر گیچر ولایتی نینگ زود منطقه سی تامانیده گی ارمنستان اردوسی موضعلریدن آذربایجان اردوسی نینگ موضعلریگه قره ته قتّیق اوق اوزیلگن لیگی معلوم قیلیندی.
ارمنستان اردوسی تامانیدن اوزیلگن خوددی شو اوق اوزیلیشی عاقبتیده بیر نفر آذربایجان حربیسی نینگ باشیدن یره لنگن لیگی افاده ایتیلدی.
ارمنستان کوچلری نینگ آگاهلنتیروولرگه بناً اوق اوزیش گه دوام ایتیشی بیلن آذربایجان کوچلری نینگ هم جواب بیرگن لیگی قید ایتیلدی.
وزیرلیک تامانیدن بیریلگن ایریم بیر بیاناتده ایسه ارمنستان اردوسی نینگ آغیر قوراللر و هاوان توپلری آرقه لی آذربایجان اردوسی نینگ موضعلریگه هجوم اویوشتیریش گه دوام ایتگن لیگی بیلدیریلدی.
ارمنستان مطبوعاتیده اورین آلگن خبرلرده ایسه اوشبو توقنه شوو عاقبتیده 3 ته ارمنستان حربیسی نینگ یره لنگن لیگی خبر بیریلدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی