اوروپا اتفاقی اسرائیل نینگ غزه گه قره تیلگن هجوملری بوییچه قیغولی

اوروپا اتفاقی, اسرائیل نینگ غزه گه قره تیلگن و کوپلب کیشی نینگ جان بیریشی گه سبب بولگن هجوملری بوییچه قیغولی ایکن لیگینی بیلدیردی. 

اوروپا اتفاقی تشقی علاقه لر و خوفسیزلیک سیاستی عالی نماینده سی جوزب بوریل نینگ دفتری تامانیدن بیریلگن یازمه بیاناتده,  اوروپا اتفاقی نینگ, اسرائیل نینگ توناون اویوشتیرگن هوا هجومی آرتیدن غزه ده بحران نینگ آرتیب کیتیشی بوییچه قیغولی ایکن لیگی معلوم قیلیندی. 

بیاناتده, "اوروپا اتفاقی, باله لر داخل عادی اهالی نینگ جان بیریشی بوییچه خواطرده و خلق ارا حقوققه حرمت کورسه تیلیشی کیره ک ایکن لیگی توغریسیده چقیریق بیرماقده" دییه قید ایتیلدی. 

بیاناتده, تامانلر معتدل بولیش, تینچلیک نی تشویق ایتیب منطقه ده برقرارلیک اوچون تشبث قیلیش گه چقیریلدی. 

توناون ایرته لب اسرائیل نینگ غزه گه قره تیلگن هجوملری عاقبتیده آره سیده باله لر و عیال لرنینگ هم موجود بولگن 15 نفر فلسطینلیک حیاتینی یوقاترایکن, 22 نفر فلسطینلیک ایسه یره لندی.

اسرائیل کوچلری نینگ غربی نوار نینگ نابلس شهری گه باسیب کیریشی عاقبتیده هم 15 نفر فلسطینلیک یره لنگن ایدی.