امریکا قوشمه ایالتلری آذربایجان – ارمنستان مذاکره لری طفیلی خرسندچیلیک بیلدیردی

امریکا قوشمه ایالتلریده آق اوی ملی خوفسیزلیک مصلحتچیسی جک سالیوان آذربایجان بیلن ارمنستان اورته سیده گی مذاکره لرنینگ آلغه باریشینی ممنونیت بیلن کوتیب آلگن لیکلرینی تیلگه آلدی.

سالیوان تویتر آرقه لی نشر قیلگن پیامیده آذربایجان تشقی ایشلر وزیری جیحون بیره موف و ارمنستان تشقی ایشلر وزیری ارارت میرزایان نی آق اویده کوتیب آلیش بیلن ممنون قالگن لیکلرینی ایتدی.

" آذربایجان بیلن ارمنستان اورته سیده گی مذاکره لرنینگ آلغه باریشینی ممنونیت بیلن کوتیب آله میز و دوام ایتیب تورگن دیالوگ نی تشویق ایته میز" دیب ایتدی.

سالیوان دایمی و عادل بیر کیلیشوونینگ ایککی اولکه و منطقه اوچون فرصتلر یراتووچی بیر کلید بوله جگینی قید ایتدی.

امریکا قوشمه ایالتلری یکشنبه کونی باشله گن آذربایجان بیلن ارمنستان اورته سیده گی مذاکره لرگه میزبانلیک قیلماقده. شونده ی بولیب تشقی ایشلر وزیری انتونی بلینکن دوشنبه کونی آذربایجان و ارمنستان تشقی ایشلر وزیرلری بیلن اوچره شوو اوتکزگندی.

بلینکن یکشنبه کونی آذربایجان جمهور باشلیغی الهام علی یف و ارمنستان باش وزیری نیکول پشینیان بیلن عیلحیده علیحده تیلفون سوزلشووی اوتکزیب ایککی رهبرگه ایککی اولکه اورته سیده گی تینچلیک اوچره شوولری نینگ اهمیتینی افاده ایترکن امریکا قوشمه ایالتلری نینگ کمک بیریش وعده سینی تاکییدله گندی.