امریکا قوشمه ایالتلری ترور تشکیلاتی بیلن همکارلیک قیلماقده

امریکا قوشمه ایالتلری مدافعه وزیرلیگی (پنتاگون) سوزچیسی جنرال پاتریک رایدر, میلادی 2014- ییلدن بیری سوریه ده " SDG" اسمی دن فایده له نیاتگن ترور تشکیلاتی وای پی جی بیلن همکارلیک قیلیاتگن لیک لرینی بیلدیردی. 

رایدر, امریکا قوشمه ایالتلری عسکر لری نینگ, سوریه ده " SDG" اسمی دن فایده له نیاتگن ترور تشکیلاتی وای پی جی/پ.ک.ک سرکرده سی فرهاد عبدی شاهین بیلن بیر موتر ده بولیشی و عراق نینگ شمالیده نیمه اوچون همراه لیک قیلگن لیگی بوییچه سئوال لر گه جواب قیتردی. 

سوزچی, امریکا قوشمه ایالتلری عسکر لری نینگ, پ.ک.ک بیلن مناسبت لری سببلی تورکیه اوچون مشروع هدف دن عبارت بولگن ترور تشکیلاتی سرکرده سی بیلن همراه لیک قیلگن لیگی نینگ, امریکا نی قیغولنتیرگن لیگی یاکه قیغولنتیرمه گن لیگی بوییچه سئوال گه جواب قیتررایکن, اوشبو توغریده "قیغولی ایمس لیکلرینی" بیلدیردی.

رایدر, اوز سوز لرینی, "میلادی 2014-2015- ییلدن بیری SDG بیلن همکارلیک قیلماقده میز.  اوزاق بیر مدت دن بیری مناسبتلری میز بار.  اولر, پ.ک.ک ایمس. داعش نی مغلوب قیلیش اوچون همکارلیک قیلماقده میز. اوزاق مدت دن بیری اورتاق عملیاتلر اویوشتیرماقده میز" شکلیده دوام ایتدیردی.   

امریکا قوشمه ایالتلری استخبارات و مدافعه راپور لریده تیسکریسی نینگ بیلدیریلگن لیگی گه قره مسدن رایدر, SDG نینگ پ.ک.ک ایمس لیگینی ادعا ایتدی. 

عراق نینگ سلیمانیه شهریده, 7- اپریل کونی امریکا قوشمه ایالتلری عسکر لری نینگ هم موجود بولگن بیر قطار گه اوق اوزیلگن لیگی لیکن بونینگ هیچ قنده ی بیر تلفات گه سبب بولمه گن لیگینی معلوم قیلگن رایدر, امریکالیک حربی لرنینگ "داعش گه قرشی کوره ش دایره سیده" او ییرده ایکن لیکلرینی بیلدیردی.