نیویورک ده بیر کیشی سیچقان لر گه قرشی کوره ش مسئولی ایتیب تعینلندی

امریکا قوشمه ایالتلری نینگ نیویورک شهریده بیر کیشی سیچقان لر گه قرشی کوره ش مسئولی ایتیب تعینلندی. 

نیویورک بلدیه باشلیغی ایریک آدمس, کاتلین کوراد نینگ نیویورک ده سانی کونساین آرتیب باریاتگن سیچقان لر گه قرشی کوره ش مسئولی ایتیب تعینلنگن لیگینی بیلدیردی. 

کوراد, رسمی آتی, "شهر بویلب کیمیروچی لرنی کمه یتیریش بوییچه باشلیق" بولگن اوشبو ینگی وظیفه بیلن علاقه لی بیرگن بیاناتیده, "ایندی مینی کوپ, لیکن سیچقان لرنی آز کوره سیز" دییه قید ایتدی. 

موجود معلوماتلر گه کوره, نیویورکده سیچقان لرنینگ سانی انچه آرتیب کیتگن. 

شهرده گی سیچقان لر سانی نینگ انیق ایمس لیگی گه قره مسدن, میلادی 2014- ییلده قیلینگن تدقیقات نتیجه سیده اوشبو رقم نینگ 2 میلیون ایکن لیگی انیقلنگن ایدی. 

نیویورک بلدیه باشلیغی آدمس, سیچقان لرنی "اینگ کتته دشمن" اوله راق تن آلماقده.