آذربایجان اردوسی نینگ اوچ عسکری شهید بولدی

توناون آذربایجان- ارمنستان چیگره سیده یوز بیرگن توقنه شووده آذربایجان اردوسی نینگ 3 عسکری شهید بولدی. 

آذربایجان مدافعه وزیرلیگی تامانیدن بیریلگن بیاناتده, گوریس ولایتی نینگ دیغ مسکونی نقطه سی گه جایلشتیریلگن ارمنستان عسکر لری نینگ لاچین استقامتی ده گی آذربایجان موضع لری گه قره ته اوق اوزگن لیگی بیلدیریلدی. 

بیاناتده, اوشبو حادثه عاقبتیده آذربایجان اردوسی نینگ 3 عسکری نینگ شهید بولگن لیگی معلوم قیلیندی. 

آذربایجان اردوسی نینگ اوشبو حمله گه قرشی جواب قیترگن لیگی و ارمنستان اردوسی نینگ جدی تلفات بیرگن لیگی بیلدیریلدی. 

منطقه ده وضعیت نینگ آذربایجان اردوسی نینگ کنترولیده ایکن لیگی معلوم قیلیندی. 

ارمنستان نشرات اورگان لری هم ارمنستان اردوسی نینگ تلفات بیرگن لیگی نی بیلدیردی.