سعودی عربستان تامانیدن یمن گه نفت یاردم ایتیب بیریلدی

سعودی عربستان تامانیدن یمن نینگ برق احتیاجینی برطرف ایتیش و تجاری فعالیتلرنینگ حرکت گه اوتیشی اوچون جونتگن 30 مینگ تن نفت یمن نینگ وقتینچه لیک پایتختی عدن گه ییتیب باردی.

سعودی عربستان تامانیدن یمن نینگ قیته قوریش و رواجلنیش پروگرامی بوییچه تویتر آرقه لی بیانات بیریلدی.

پروگرام دایره سیده یمن نینگ برق احتیاجینی برطرف ایتیش و تجاری فعالیتلرنینگ حرکت گه اوتیشی اوچون جونتگن 30 مینگ تن نفت یمن نینگ وقتینچه لیک پایتختی عدن ده جایلشگن نفت بندریگه ییتیب بارگن لیگی بیلدیریلدی.

بیاناتده جونه تیلگن نفت یاردمی نینگ یمنده گی تجارتنی حرکت گه اوتکزیش اوچون 70 ته برق سنترالی نینگ ایلیشی گه حصه قوشه جگی معلوم قیلیندی.

یمن نینگ رسمی خبر آژانسی صبا خبر بیریشیچه اوشبو پروگرام مدیری اورینباسری احمد الیحیا 2022 ییلی نوامبر آیی بیلن 2023 ییلی اپریل آیی اورته سیده یمن گه ییتکیزیب بیریلگن نفت یاردملری نینگ قریب 250 مینگ تن گه ییتگن لیگینی ایتدی.

یمن حکومتی 29 سپتامبرده سعودی عربستان دن 200 میلیون دالر ارزشیده نفت تامین ایتیلیشی اوچون کیلیشووگه قول قوییلگن لیگینی بیلدیرگندی.