روسیه تشقی ایشلر وزیری تورکیه گه تشریف بویوره دی

روسیه تشقی ایشلر وزیری سرگی لاوروف, بوگون رسمی بیر سفر بیلن تورکیه گه تشریف بویوره دی. لاوروف نینگ اوشبو سفری ایکّی کون دوام ایته دی. 

روسیه تشقی ایشلر وزیرلیگی تامانیدن بیریلگن بیاناتده, لاوروف نینگ تشقی ایشلر وزیری مولود چاووش اوغلی نینگ دعوتی گه بناً کون ترتیبیده گی موضوع لر حقیده اوچره شوولر اوتکزیش اوچون تورکیه گه سفر قیله دیگن لیگی بیلدیریلدی. 

بیاناتده, لاوروف بیلن چاووش اوغلی اورته سیده بولیب اوته دیگن اوچره شووده, اوکراین, جنوبی قفقاز, اورته شرق, شمالی افریقا و قاره دینگیز ده گی وضعیت حقیده بحث ایته دیگن لیک لری معلوم قیلیندی. 

روسیه تامانی نینگ "یخشی نیت کورستگیچی اوله راق" 60 کونلیک بیر مدت بیلن چوزگن قاره دینگیز آرقه لی حبوبات نینگ دنیا بازار لری گه انتقال ایتدیریلیشی بوییچه کیلیشوو نینگ تطبیق ایتیلیشی حقیده بحث ایتیله دیگن لیگی بیلدیریلگن بیاناتده, "اینیقسه, تورک اورتاق لری میز نینگ همکارلیگی بیلن, فقط گینه اوکراین حبوباتی نینگ دنیا بازار لری گه ییتکزیب بیریلیشی ایمس, عینی دمده خلق ارا بازار لر گه روس ایکینچیلیک محصولاتی و کیمیاوی کودی نینگ ییتکزیب بیریلیشی نینگ توسیلمس لیگی جهتیدن هم بو کیلیشوو لرنینگ کینگ کولملی بیر شکلده تطبیق ایتیلیشی نی تامین ایتیش نی مقصد قیلیب آلماقده میز" دییه قید ایتدی.