سعودی عربستان رمضان آییده عمره اوچون کیلگن مسلمانلر حقیده معلومات بیردی

سعودی عربستان رمضان آیی نینگ دستلبکی 10 کونیده 9 میلیوندن آرتیق مسلمان نینگ کعبه ده عبادت قیلگن لیگینی بیلدیردی.

سعودی عربستان حرمین ایچکی ایشلر باشقرووی تامانیدن موضوع بوییچه اجتماعی ترماق آرقه لی بیانات بیریلدی.

بیاناتده مسجد الحرامده رمضان آیی نینگ دستلبکی 10 کونیده 9 میلیون 357 مینگ 853 نفر مسلمان نینگ عمره حج و نماز قیلگن لیگی معلوم قیلیندی.

مسجد نبوی باشقرووی تامانیدن بیریلگن بیاناتده هم رمضان نینگ 10 کونیده 10،3 میلیون مسلمان نینگ مسجد نبوی گه کیلیب عبادت قیلگن لیگی قید ایتیلدی.

سعودی عربستان حج و عمره وزیرلیگی تامانیدن 26 مارچ تاریخیده بیریلگن بیاناتده "کوپراق کیشی گه عباردت قیلیش فرصتی یراتیش اوچون" رمضان آییده هرکیم نینگ فقط بیر مرته عمره قیلیشی ممکن ایکن لیگینی اعلان قیلگندی.