جنوبی سودان دموکراتیک کنگو جمهوریتی گه عسکر یوباردی

شرقی افریقا جمهوریتی اعضاسی جنوبی سودان, عصیانچی لر گه قرشی کوره شیاتگن دموکراتیک کنگو جمهوریتی گه عسکر یوبارگن تورتینچی اولکه دن عبارت بولدی. 

کنیا, بروندی و یوگاندا آرتیدن جنوبی سودان عسکر لری هم دموکراتیک کنگو جمهوریتی نینگ گوما شهری گه ییتیب باردی. 

عصیانچی 23 مارچ حرکتی گه قرشی حائل خط بوله دیگن و توقنه شوو لر گه اشتراک قیلمه یدیگن شرقی افریقا جمعیتی اعضاسی اولکه لر عسکرلری سانی نینگ یقینده 10 مینگ نفرگه ییتیشی کوتیلماقده. 

یوگاندا 5 مینگ عسکر یوباریش نی پلانلرایکن, آنگولا 500, جنوبی سودان 750 و کنیا ایسه 1000 عسکر یوباره دی. 

بروندی دن تینچلیک نی سقلش کوچی گه قوشیله دیگن عسکر لری سانی حقیده ایسه حاضرچه انیق معلومات موجود ایمس. 

شرقی افریقا جمعیتی, 23 مارچ حرکتی عصیانچی لری نینگ آلغه کیتیش لری آرتیدن دموکراتیک کنگو جمهوریتی گه تینچلیک نی سقلش کوچی جایلشتیریش گه قرار قیلگن ایدی. 

عینی دمده اوشبو اولکه ده 14 مینگ نفر بیرلشگن ملتلر تشکیلاتی تینچلیک نی سقلش کوچی هم موجود.