اوروپا پارلمانی نینگ بعضی وکیللری فرانسه ده پولیس زورانلیگی نینگ توخته تیلیشی نی طلب قیلدی

اوروپا پارلمانی نینگ بعضی وکیللری, فرانسه ده تقاعد ریفورمی بیلن علاقه لی ناراضیلیک نمایشلری اوتکزیاتگن کیشی لر گه قرشی پولیس زوروانلیگی نینگ توخته تیلیشینی طلب قیلدی.

اوروپا پارلمانی ده گی چپ گرا وکیللر, بلجیم پایتختی بروکسلده گی اوروپا پارلمانی بناسی نینگ آلدیده ناراضیلیک بیلدیردی. 

قوللریده, "فرانسه ده گی پولیس زوروانلیگینی توخته تینگ" دیب یازیلگن کاغذ لر بولگن 20 دن آرتیق وکیل, فرانسه پولیسی نی نمایشچیلر گه قرشی ظالمانه رویه قیلیش بیلن عیبله دی.

اوشبو وکیللر تامانیدن بیریلگن بیاناتده, "فرانسه ده خلق دموکراتیک مظاهره حقیدن فایده لنرایکن, پولیس زوروانلیگی گه دوچ کیلماقده. بوگون اوروپا پارلمانی وکیللری پارلمان دن پولیس زوروانلیگی گه قرشی بیر پیام بیرماقده.  زوروانلیک نینگ بهانه سی بولمه یدی.  کوچ دن منفی فایده له نیش نی قبول قیله آلمه یمیز" دییه قید ایتیلدی.

فرانسه ده, تقاعد یاشی نینگ 62 دن 64 گه کوتریلیشینی هم قمره گن و حکومت نینگ پارلمان گه تقدیم ایتمسدن بیواسطه قبول قیلگن اوشبو ریفورم گه قرشی معلوم بیر مدت دن بیری ناراضیلیک نمایشلری و اعتصاب لر دوام ایتماقده.