امریکا قوشمه ایالتلری حربی لری سوریه دن چیقمه یدی

امریکا قوشمه ایالتلریده آق اوی ملی خوفسیزلیک کینگشی ستراتیژیک علاقه کوردیناتوری جان کربی, امریکا عسکر لری نینگ سوریه دن چیقمه یدیگن لیگینی معلوم قیلدی. 

کربی, سی بی اس تلویزیونی بیلن قیلگن مصاحبه سیده, امریکا قوشمه ایالتلری نینگ سوریه ده گی حربی مرکز لری گه قره تیلگن هجوم لر بیلن علاقه لی بیانات بیردی. 

کربی, "جنگری لرنینگ جدی بیر هجومی دن عبارت ایدی.  و دولت رهبری (جو بایدن), اوشبو حمله لر گه قرشی تیز بیر شکلده جواب قیتردی" دییه قید ایتدی. 

"سوریه ده بیر مینگدن آز عسکری میز بار و بولر بویوک مقیاسده کمه یگن لیگی گه قره مسدن حاضرگی کونده هم اوشبو شبکه (داعش) نی کوزه تماقده" دییه قید ایتگن کربی, شوباعث امریکالیک حربی لرنینگ سوریه دن چیقمه یدیگن لیگی و بایدن نینگ امریکا عسکر لرینی سوریه دن چیقارمسلیک بوییچه "قرارلی" ایکن لیگینی ایسله تیب اوتدی. 

کربی, بایدن نینگ کیره کلی ایکن لیگینی بیلدیریشی تقدیرده, ایران نینگ حمایه سی آستیده گی جنگری لرنینگ, 23- مارچ کونی عراق و سوریه ده گی امریکا قوشمه ایالتلری پرسونلی و مرکز لری گه قره تیلگن هجوم لری گه قوشیمچه جواب قیتیریلیشی بوییچه احتمال توغریسیده هم سوز یوریتدی. 

"بو هفته بو ییرده, امریکا قوشمه ایالتلری نینگ خلقی میزنی مدافعه قیلیش اوچون هردایم قرارلی بیر سیاست آلیب باره دیگن لیگینی کورسه تیب بیردیک" دییه قید ایتگن کربی, اوشبو پیام نینگ مخاطبی گه "یوقاری بیر سیس بیلن انیق بیر شکلده" یوباریلگن لیگینی معلوم قیلدی. 

جاری آی نینگ 25- کونیده سوریه نینگ دیرالزور ولایتیده ایران نینگ حمایه سی آستیده گی چیت ایللیک ترورچی گروه لرنینگ موجود بولگن منطقه لردن امریکا قوشمه ایالتلری کوچلری نینگ جایلشگن عمر پطرول و کونیکو گاز ساحه لری گه راکت آتیلگن ایدی.