روسیه تامانیدن شمالی آقیم قووری بیلن علاقه لی بیانات بیریلدی

روسیه دولت رئیسلیک سرایی کرملین سوزچیسی دیمیتری پیسکوف شمالی آقیم 1 و 2 طبیعی گاز قووریده اوتگن ییل یوزبیرگن پارتلشلر بیلن تیگیشلی تیرگاونینگ شفاف و کینگ بولیشی کیره ک لیگینی ایتدی.

پیسکوف پایتخت مسکوده مطبوعاتگه کون ترتیبیده گی ینگیلیکلر حقیده بیانات بیردی.

شمالی آقیم 1 و 2 طبیعی گاز قووریده اوتگن ییل یوزبیرگن پارتلشلر بیلن تیگیشلی گپیرگن پیسکوف دنمارک انرژی نینگ شمالی آقیم 2 طبیعی گاز قووری پروژه سی نینگ ایشلاتووچیسی بولمیش Nord Stream 2 AG شرکتینی پایپ لاین نینگ یانیده بولگن بیر نرسه نی دینگیزنینگ آستیدن چیقریب آلیش فعالیتی گه قوشیلیش گه دعوت ایتگن لیگینی اولیملی بیر ینگیلیک دیب بهالندیردی.

پیسکوف "بونینگ قنداغ بیر نرسه ایکن لیگینی، ترورچیلیک بیلن علاقه سی بارمی یوق می؟ تثبیت ایتیلیشی، تیرگاو اوچون اهمیت گه سزاوار. تیرگاو برچه تیگیشلی تامانلرنینگ جریان گه قتنشیشی جهتیدن کینگ و شفاف بولیشی کیره ک" دیدی.