جو بایدن رمضان آیی مناسبتی بیلن پیام ترقه تدی

امریکا قوشمه ایالتلری دولت رهبری جو بایدن مبارک رمضان آیی نینگ باشله گن لیگی مناسبتی بیلن تبریک بیلدیردی. 

بایدن, رمضان آیی مناسبتی بیلن یازمه بیانات بیردی. 

امریکا  دنیا ده گی مسلمان لر گه رمضان آیی مناسبتی بیلن تبریک بیلدیرگن بایدن, "سونگّی زلزله لر عاقبتیده کوپلب یقینی نی قولدن بیریب قویگن تورکیه و سوریه خلق لری بیلن اوتگن یاز موسمی ده گی سوو تاشقینی آرتیدن حیات لری نی دوام ایتدیریاتگن پاکستان خلقی نینگ یانیده بولیش گه دوام ایته میز" دییه قید ایتدی. 

بایدن اوشبو پیامیده اوز سوز لرینی, "اورتاق لری میز بیلن بیرگه امریکا صفتیده, چین خلق جمهوریتی ده گی اویغور لر, میانمارده گی آراکانلیک لر و دنیا نینگ هر تامانیده گی مظلوم مسلمان لر داخل, باسیم گه دوچ کیلیب قالگن مسلمان لر بیلن همکارلیک قیلماقده میز" شکلیده دوام ایتدیردی. 

برچه ساحه لر بوییچه مسلمان امریکالیک لرنینگ اوشبو اولکه گه جدی حصه قوشگن لیک لرینی بیلدیرگن بایدن, بوندن هم عادلراق بیر جمعیت قوریش بوییچه وعده لرینی ینه بیر بار تکرارلب اوتدی. 

بایدن, امریکا و دنیا ده گی مسلمان لرنینگ رمضان آیی نی تینچ بیر شکلده اوتکزیشی نی آرزو قیلیب قالدی. 

امریکا قوشمه ایالتلری تشقی ایشلر وزیری آنتونی بلینکن ایسه بیرگن بیاناتیده, "اولکه میز و همده چیت ایللرده گی برچه انسان لر اوچون دین ایرکین لیگی نی تشویق ایتیش گه دوام ایته میز.  1,8 میلیارد مسلمان نینگ رمضان آیی نینگ برکتلی بولیشی نی آرزو قیلماقده میز" دییه قید ایتدی. 

نیویورک بلدیه باشلیغی ایریک آدمس هم, رمضان نینگ مبارک بیر آی ایکن لیگینی معلوم قیلرایکن, رمضان آیی مناسبتی بیلن نیویورک لیک لر گه تبریک بیلدیردی.