اویوشتیریلگن قوراللی هجوم عاقبتیده کوپلب چین لیک ایشچی حیاتینی یوقاتدی

مرکزی افریقا جمهوریتی نینگ بامباری شهریده بیر آلتین معدنی گه قره تیلگن قوراللی هجوم عاقبتیده 9 نفر چین لیک ایشچی حیاتینی یوقاتدی. 

محلی خبر لر گه کوره, بامباری گه باغلیق چینگبولو قیشلاغیده چین لیک بیر شرکت گه عاید معدن ساحه سیده کیم ایکن لیک لری انیقلنمه گن قوراللی کیشی لر هجوم اویوشتیردی. 

هجومده, معدن ساحه سیده گی ماشین لر و تورر جای لر نی تالان - تاراج قیلگن هجومچی لر 9 نفر چین لیک ایشچی نی اولدیردی.

اوشبو شرکت منطقه ده بیش کون آلدین ایش گه باشله گن ایدی. 

هجومچی لر نینگ اوشله نیشی اوچون منطقه ده عملیات باشله تیلدی. 

اوشبو اولکه ده اوچ کون آلدین هم هجومچی لر باشقه بیر معدن ساحه سی گه هجوم اویوشتیریب 3 نفر چین لیک معدن ایشچی سی نی آلیب قاچیرگن ایدی.