کولمبیاده اوچ کانده پارتلش یوزبیردی

کولمبیانینگ کوندینامارکه منطقه سیده جایلشگن اوچ ته کومیر کانیده یوزبیرگن پارتلش عاقبتیده دستلبکی معلوماتلرگه کوره 11 نفر کانچی حیاتینی یوقاتر ایکن 10 کانچی ایسه لادرک بولگن وضعیتده...

ستاتوسه قصبه سیده جایلشگن الکاجون منطقه سیده گی الهویو، لوکیرو و لا ایسپرنزا آتیده گی کومیر کانلریده پارتلش یوزبیرگن.

پارتلش عاقبتیده 11 نفر کانچی حیاتینی یوقاتگن کوچکی آستیده لادرک بولگن 10 کیشی اوچون قیدیروو و قوتقروو اورونیشلری دوام ایتماقده.

کولمبیا جمهور باشلیغی گوستاوو پیترو اجتماعی ترماق آرقه لی نشر قیلگن پستده "کوچکیده قالگن کانچیلرنی قوتقریب آلیش اوچون والیلیک بیلن برچه اورونیش گه دوام ایتماقده میز." دیب ایتدی.

اولکه ده ناقانونی روشده ایش آلینگن کانلرده امنیتی چاره – تدبیرلرنینگ ییترسیزلیگی و تیکشیروو کمچیلیگی طفیلی انچه تلفاتلی حادثه لر یوزبیرماقده.

کولمبیاده 2010 ییلیده گی بیر کومیر کانیده یوزبیرگن پارتلش عاقبتیده 73 کیشی نینگ اولیشی بیلن "اولکه ده اینگ قتّیق حادثه" اوله راق ثبت بولگندی.