امریکا قوشمه ایالتلری بیلن فلپین اردوسی مشترک حربی سینش اوتکزماقده

امریکا قوشمه ایالتلری بیلن فلپین اردوسی 4 مینگدن آرتیق حربی نینگ قتنشیشی بیلن حربی سینش اوتکزماقده.

امریکا قوشمه ایالتلری و فلپین اردوسی اولکه نینگ اینگ بویوک حربی مرکزی جایلشگن پالایان شهریده قریب اوچ هفته دوام ایته دیگن «سلاکنیب» آتیده حربی سینش اوتکزماقده.

فلپین اردوسی قومندانی جنرال رومئو فرافنر بیلن امریکا قوشمه ایالتلری اردوسی قومندانی جنرال خاویر برانسون هم قتنشگن مراسم بیلن باشله تیلگن حربی سینشده 1000 دن آرتیق فلپینکلیک حربی و 3 مینگدن آرتیق امریکالیک حربی اورین آلماقده.

حربی سینش حقیده بیلگی بیرگن جنرال برافنر، امریکا قوشمه ایالتلری و فلپین اردوسی نینگ قیرغاق و هوا ظرفیتینی کوچه یتیریش و تورلی حربی عملیاتلرده ایککی اردو اورته سیده گی همکارلیک نی کوچه یتیریش مقصد قیلیب آلینگن لیگینی ایتدی.

اولکه ده 2016 ییلیدن بیری هر ییل اوتکزیلگن «سلاکنیب» حربی سینش نینگ 4 اپریل گچه دوام ایتیشیدن خبر بیریلدی.

فلپین ایککی اولکه اورته سیده 2014 ییلی قول قوییلگن رواجلنگن مدافعه صنایع همکارلیک کیلیشووی دایره سیده چین نینگ آسیا – تینچ اوقیانوسی منطقه سیده کوچه ییب باریشی گه قرشی توریش مقصدی بیلن 2 فبروریده امریکا قوشمه ایالتلری نینگ اولکه نینگ 4 حربی قونلغه سیگه کیریشی گه رخصت بیریلگندی.