تورکیه اروپا بیرلیگینی قتّیق قاره له دی

تورکیه اروپا پارلمانی بناسیده ترور تشکیلاتی پی کاکا/وای پی جی/ پی وای دی نینگ ییتکچیلری و ایزداشلری نینگ تورکیه گه قرشی پروگرام اویوشتیریشینی قتّیق قاره له دی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده اروپا بیرلیگی نینگ ترور تشکیلاتی رویخطیده اورین آلگن و تورکیه نینگ توپراق بوتونلیگینی آماج قرار بیرگن بیر ترور تشکیلاتی نینگ تبلیغات قیلیشیدن عبارت بولگن بو کبی فعالیت گه امکانیت بیریلیشی نینگ قبول ایتیلیشی نینگ ممکن ایمس ایکن لیگی اورغولندی.

بیاناتده "بو اروپا بیرلیگی نینگ ترورچیلیک که قرشی کوره شده گی ایککی یوزلمه چیلیگینی و صمیمیتسیزلیگینی کورستماقده دیر. اولکه میزنینگ آتینی تیلگه آلیش آرقه لی مشروعیت گه ایریشیش نی مقصد قیلگن بو فعالیت گه رخصت بیریش اروپا بیرلیگی نینگ خلق ارا مقیاسده گی مسؤلیتلریگه ضددیر." دییلدی.

تورکیه نینگ برچه ترور تشکیلاتلریگه قرشی کوره ش نی هیچ قنده ی اجره تیش کورستمه ی قاطعت بیلن دوام ایتتیریشی تاکییدلنگن بیاناتده، اروپا بیرلیگی باشقرمه لری و اعضا اولکه لردن خلق ارا مقیاسده خوفسیزلیک که تهدید تشکیل ایتگن تروریزم گه قرشی کوره ش موضوعیده تورکیه نینگ یانیده توریشی نینگ کوتیلگن لیگی قید ایتیلدی.