آلبانیا و شمالی مقدونیه ده بیر کونلیک یاس ایتیب اعلان قیلیندی

آلبانیا و شمالی مقدونیه ده 6 فبروریده تورکیه و سوریه ده یوزبیرگن ییرقیمیرلش حادثه سی طفیلی بیر کونلیک یاس ایتیب اعلان قیلیندی.

آلبانیا و شمالی مقدونیه حکومتلری تامانیدن اعلان قیلینگن یاس چوکاتیده ایککی اولکه ده گی دولت اداره لری و همجمعیت گه آچیق ساحه لرده گی بیراقلر یریم گچه توشیریلدی.

شو دایره ده بو اولکه لرنینگ چیت ایلده گی دیپلوماتیک باشقروولریده هم بیراقلر یریم گه توشیریلدی.

آلبانیا جمهورباشلیغی باجرم بیگج اجتماعی ترماق آرقه لی جمهور رئیسلیک بناسی قاشیده گی آلبانیا بیراغی یریم توشیریلگن فوتوتصویرنی نشر قیلیب، تورکیه و سوریه چیگره سیده یوزبیرگن ییرقیمیرلش حادثه سیدن تاثیرلنگن عایله لر بیلن بیردملیک ایچیده ایکن لیکلرینی و اولر اوچون دوعا قیلگن لیکلرینی افاده ایتدی.

باجرم بیگج "آلبانیالیکلر 2019 ییلی 29 نوامبرده آلبانیاده یوزبیرگن ییرقیمیرلش حادثه سیده تورکیه تامانیدن ییتکیزیب بیریلگن یاردملرنی هیچ اونوتمه یدی." دیب ایتدی.

شمالی مقدونیه حکومتی تامانیدن بیریلگن بیاناتده، "حکومت تورکیه و سوریه ده ییرقیمیرلش حادثه سیده حیاتینی یوقاتگنلرنینگ عایله لریگه و برچه تورکیه خلقی گه قیغوداشلیک بیلدیره دی." دییلدی.

اروپا پارلمانی عمومی کینگشی آچیلیشیده اعضالر ایسه مرکزی تورکیه نینگ قهرمان مره ش ولایتی بولمیش ییرقیمیرلش حادثه سیده تورکیه و سوریه ده حیاتینی یوقاتگنلر اوچون حرمت گه توردی.

اروپا پارلمانی باشلیغی روبرتا متسولا فرانسه نینگ سترازبورگ شهریده اویوشتیریلگن عمومی کینگش نینگ آچیلیشیده قیلگن صحبتیده؛

"اوتگن هفته سوریه و تورکیه ده هیچ کوتیلمه گن درجه ده ییقیلیشی گه سبب بولگن زلزله یوزبیردی. اروپانینگ تورکیه بیلن سوریه خلقی نینگ یانیده ایکن لیگینی بیلدیرماقچی من. یوراگیمیز اولگنلرنینگ عایله لری، توپراق آستیده قالگنلر، یره لنگنلر و حیات قوتقریش اوچون کیچه – کوندوز تینمه ی کوره شگن قوتقرووچیلر بیلن دیر" دیب ایتدی.

اوتگن هفته یوزبیرگن و 10 ولایت بیلن بیر قطارده سوریه گه هم تاثیر قالدیرگن 7.7 و 7.6 رشتر ییرقیمیرلش حادثه لریده مینگلب تلفات یوز بیردی. خوددی شو حادثه عصرنینگ فلاکتی ایتیب اتلدی.